Meethay Samosay Recipe In Urdu

میٹھے سموسے سپیشل بنانے کی ترکیب

Meethay Samosay Recipe In Urdu

اشیاء:
میدہ 250گرام
گھی 150ملی لیٹر
چینی 150گرام
مربہ سیب 50گرام
مربہ گاجر 50گرام
بادام گری 15گرام
ناریل 15گرام
الائچی سبز 6دانے
کشمش 12دانے
پستہ 8دانے
دودھ حسب ضرورت
نمک چائے کا آدھا چمچہ
ترکیب:
میدے کو چھان کر اس میں چائے کا آدھا چمچہ نمک ملائیے اور پھر دودھ سے میدے کو سخت سخت گوندئیے۔ ایک کھانے والا چمچہ گھی بھی میدے میں ملا لیجئے اور اسے خوب گوندھ کر رکھ لیجئے۔ سیب اور گاجر کے مربے کے باریک باریک ٹکڑے کاٹ لیجئے بادام کی گریوں اور ناریل کو بھی کچھ دیر پانی میں بھگو کر باریک کاٹ لیجئے اور الائچی کے دانے نکال لیجئے۔ ان سب چیزوں کو سیب اور گاجر کے مربے میں ملا لیجئے اور ہاتھ سے اچھی طرح مسل دیجئے۔ چینی میں تھوڑا سا پانی ڈال کر چولہے پر چڑھا ئیے۔ اور گاڑھی گاڑھی چاشنی تیار کر لیجئے۔ چاشنی ٹھنڈی ہو جائے تو آدھی چاشنی رکھ لیجئے اور آدھی مربے کے آمیزے میں ملا دیجئے۔ اب گوندھے ہوئے میدے کے چھوٹے چھوٹے پیڑے بنا کر پوریاں بیل لیجئے اور ان بچی ہوئی آدھی چاشنی کا لیپ کر دیجئے۔ تھوڑی دیر بعد ہر پوری کے دو برابر ٹکڑے کاٹ لیجئے۔ ایک ٹکڑے کو ہاتھ پر رکھ کر اس کے درمیان میں ایک چمچہ مربے والا آمیزہ رکھیے اور لپیٹ کر تکونہ سموسہ بنا کر رکھتے جائیے۔ سموسے سے کے کنارے اچھی طرح دبا دیجئے تاکہ تلتے وقت کھل نہ جائے۔ اب فرائی پین یا کڑاہی میں گھی کڑ کڑا کر ان سموسوں کو بادامی رنگ کے تل لیجئے اور گرم گرم تناول فرمائیے۔

متعلقہ پکوان

(3058) ووٹ وصول ہوئے

More Recipes From Punjabi Samosa, Pakora, Kebab Aur Snacks - مزید پنجابی سموسے، پکوڑے، کباب اور دیگر سنیکس

More Recipes - مزید تراکیب

Urdu cooking recipe of Meethay Samosay, learn easy method to make it, This recipe has all the ingredients of it, with easy step by step instructions and methods to make it and cook it. Meethay Samosay is a Punjabi Samosa, Pakora, Kebab Aur Snacks, and listed in the Punjabi Samosa, Pakora, Kabab and snacks. Other Urdu cooking recipes and video cooking recipes are also available online.