Machli Masalay Daar Tips in Urdu - Machli Masalay Daar Totkay - Tip No. 1660

Urdu Totkay Machli Masalay Daar مچھلی مصالحے دار (Tip No. 1660) - Kitchen and home tips in Urdu. Easy Totkay and Desi Totkay about Fillet Fish in Urdu. Everyday Gharelo Totkay for your daily life.

مچھلی مصالحے دار کا آسان گھریلو ٹوٹکہ - ٹوٹکہ نمبر 1660

اجزاء:
مچھلی 750گرام
پیاز درمیانی دو عدد
ہلدی ایک چائے کا چمچہ
لہسن(پسا ہوا) چار جوے
ٹماٹر کا پیسٹ حسب ذائقہ
ٹماٹر چار ٹکڑے کیے ہوئے چھ عدد
گھی 125گرام
سفید زیرہ ایک چائے کا چمچہ
گرم مصالحہ ایک چائے کا چمچہ
ادرک (پسی ہوئی) دو چائے کے چمچ
نمک حسب ضرورت
ترکیب:
مچھلی کے درمیانہ سائز کے قتلے کر لیجئے۔ اب آپ ایک کڑھائی میں گھی ڈال کر گرم کر لیں ۔ مچھلی کے قتلوں کو کڑھائی میں ڈال کر پانچ منٹ تک آہستہ آہستہ تل لیجئے۔ پھر انھیں نکال کر کاغذ پر خشک کرنے کے لئے رکھ دیں ۔ اب ایک پیاز کو باریک کاٹ لیجئے اور دوسری پیاز کو پیس کر الگ رکھ لیجئے۔ کڑھائی میں بچے ہوئے گھی کو پتیلی میں ڈال دیجئے۔ اس میں کٹی ہوئی پیاز ڈال کر سرخ کر لیجئے۔ اب اس میں زیرہ ،ہلدی اور گرم مصالحہ ڈال کر پندرہ سیکنڈ تک چلائیے۔ پھر اب اس میں پسی ہوئی پیاز، لہسن، ادرک اور ٹماٹر کا پیسٹ ڈال کر ابا لیں۔ جب دو چار ابال آجائیں تو پتیلی چولہے پر سے اتار کر اس میں مچھلی ڈال دیں۔ دوبارہ پتیلی چولہے پر رکھ دیں۔ آنچ ہلکی کر کے دس منٹ تک دم پر رکھیں ۔ کٹے ہوئے ٹماٹر اور ہرے مصالحے کے ساتھ پیش کریں۔