Masala Dosa Tips in Urdu - Masala Dosa Totkay

مصالحہ ڈوسا کا آسان گھریلو ٹوٹکہ

Masala Dosa Recipe In Urdu

اجزا:
کالا لوبیا (رات بھر پانی میں بھیگا رکھیں) 100گرام
چاول (رات بھر پانی میں بھیگا رکھیں) 225گرام
بیکنگ پاؤڈر ایک چٹکی
تیل حسب ضرورت
نمک حسب ذائقہ
مصالحہ بنانے کے لئے اجزاء:
گھی ایک کھانے کا چمچہ
ہلدی (پسی ہوئی) آدھا چائے کا چمچہ
آلو ابلے ہوئے 225گرام
نمک حسب ذائقہ
رائی ایک چائے کا چمچہ
پیاز بڑی ایک عدد
کڑھی پتا چند پتیاں
لال مرچ (پسی ہوئی) آدھا چائے کا چمچہ
ترکیب:
پتیلی میں گھی گرم کر کے اس میں رائی کے دانے ڈال کر ایک منٹ تک چمچہ چلائیں۔ پھر اس میں ہلدی پیاز آلو اور کڑھی پتا شامل کر دیں۔ نمک اور پسی ہوئی مرچ ڈال کر پکنے دیں۔ بیچ بیچ میں چمچہ چلاتے رہیں۔ چاول اور کالے لوبیے سے پانی الگ کر دیں۔ اب اسے باریک پیس لیں اور اس میں بیکنگ پاؤڈر اور نمک ڈال کر اچھی طرح سے پھینٹ لیں ۔ آدھے گھنٹے تک ایسے ہی چھوڑ دیں۔ چولحے پر سیدھا توار رکھیں۔ آنچ ہلکی رکھیں۔ اس پر آدھا چمچہ تیل ڈال دیں۔ اس کے بعد پھینٹے ہوئے آمیزے کا ایک بڑا چمچہ اس پر ڈال کر جلدی سے پورے توے پر پھیلا دیں اور چند منٹ تک سینکیں ۔ پھر دوسری طرف سے سینکیں۔ دھیان رہے کہ جل نہ جائے۔ اب اس مصالحے کا جو آپ نے تیار کر رکھ ہے ایک چمچہ اس ٹکیہ (ڈوسا) پر ڈال کر اسے رول کر لیں اور دونوں طرف سے اس کا منہ بند کر دیں ۔ لیجئے مصالحہ ڈو سا تیار ہے۔

More From Pulses Lentils - مزید