Matroon Kay Koftay Tips in Urdu - Matroon Kay Koftay Totkay

مٹروں کے کوفتے کا آسان گھریلو ٹوٹکہ

Matroon Kay Koftay Recipe In Urdu

اشیاء:
مٹر آدھا کلو
بیسن ایک چمچ
پیاز 50گرام
سرخ مرچ(پسی ہوئی) حسب ضرورت
خشک دھنیا آدھا چمچ
زیرہ آدھا چمچہ
گرم مصالحہ آدھا چمچہ
آئل حسب ضرورت
آلو 50گرام
لہسن پانچ گرام
ہلدی ایک چٹکی
خشخاش ایک چمچ
نمک حسب ذائقہ
ترکیب:
لہسن، پیاز، آلو چھیل کر باریک کاٹ لیں اور الگ الگ رکھیں۔ خشک دھنیا اور خشخاش باریک پیس لیں۔ مٹروں کے دانے نکال کر سل پر باریک پیس کر الگ رکھیں۔ پسے ہوئے مٹروں میں حسب ضرورت نمک ، بیسن اور پسی ہوئی خشخاش ملا کر ہلکا سا پانی کا چھینٹا لگائیں اور کوفتے بنا لیں۔ اس کے بعد فرائی پین میں آئل گرم کر یں۔ اس میں مٹر کے کوفتے تل کر باہر نکال لیں۔ پھر برتن میں آئل گرم کر کے اس میں پیاز سرخ کر یں اور لہسن، نمک ، سرخ مرچیں ، ہلدی، خشک دھنیا اور زیرہ ڈال کر مصالحہ بھونیں۔ پھر اس میں آلو بھی شامل کر دیں اور ایک گلاس پانی ڈال کر ہلکی آنچ پر پکائیں۔ دس پندرہ منٹ تک پکانے کے بعد اس میں تلے ہوئے مٹروں کے کوفتے ڈالیں اورمزید پانچ منٹ چولہے پر رکھیں اور پسا ہوا گرم مصالحہ چھڑک کر آگ سے نیچے اتار لیں۔ مزید ار مٹر کو فتے کا سالن تیار ہے۔

More From Kebab, Liver, Kofta Aur Tikka - مزید