Shalgam Ka Achar Tips in Urdu - Shalgam Ka Achar Totkay - Tip No. 2940

شلجم کا اچار
اشیاء:
شلجم ایک کلو(بڑے بڑے سفید)
نمک حسب پسند
مرچ سرخ حسب پسند
لہسن ایک چھٹانک
گڑ تین پاؤ
کشمش ایک چھٹانک
چھوہارے آدھ پاؤ
کلونجی ایک چھٹانک
ترکیب:
شلجم چھیل کر ان کے قتلے کر لئے جائیں۔ اور پھر ایک دیگچی میں ڈال کر چولہے پر چڑھا دیں۔ تھوڑا سا پانی بھی اس میں ڈال دیں۔ ایک دو جوش آجائیں تو نیچے اتار لیں۔ اور پانی میں سے نکال کر کسی تھال میں خشک ہونے کے لئے پھیلا کر رکھ دیں۔ گڑ میں آدھا کلو پانی ڈال کر چولہے پر چڑھا دیں اور میل وغیرہ صاف کر کے نیچے اتار لیں۔ اس شیرے میں شلجم کے قتلے ڈال دیں۔ ساتھ ہی نمک، سرخ مرچیں اور تمام مصالحے بھی ڈال دئیے جائیں۔ کشمش اور چھوہارے دھو کر خشک کر لیں اور اچار میں ڈال دیں۔ اس تیار شدہ مرکب کو چولہے پر چڑھا دیں۔ دو چار ابال آجائیں تو نیچے اتار کر رکھ لیں۔ ٹھنڈا ہونے پر مرتبان میں ڈال دیں۔ دو تین دن کے بعد اسے استعمال کیا جا سکتا ہے۔ شلجم کا یہ نہایت عمدہ اچار تیار ہوتا ہے آپ اس اچار میں تیل بھی ڈال سکتے ہیں۔ یہ صحت بخش بھی ثابت ہوتا ہے۔