زونگ4G سال2017میں صارفین کی اولین پسند قرار پایا

کراچی(اُردو پوائنٹ اخبارتازہ ترین - این این آئی۔ 14 فروری2018ء) پاکستان میں4G کا نمبر 1نیٹ ورک زونگ 4G سال 2017 میں پاکستانی صارفین کی اولین پسند رہا۔ دستیاب اعدادو شمار کے مطابق زونگ4G کو اپنی بہترین 4G سروسز کی بدولت صارفین کی بھر پور توجہ حاصل رہی جس کی بدولت سال 2017 میں دیگر ٹیلی کام کمپنیوں کے مقابلے میں زونگ 4G کے صارفین کی تعداد میں سب سے زیادہ اضافہ ریکارڈ کیا گیا۔

واضح رہے کہ زونگ4G تا حال پاکستان میں4G کے کل صارفین کے 70 فیصد حصہ کو ٹیلی کام کی جدید ترین اور تیز ترین سروسز فراہم کر رہا ہے۔جبکہ2017 کے اعدادو شماراس امر کی تصدیق کرتے ہیں کہ زونگ اس وقت بھی پاکستان کی نمبر 1 ڈیٹا کمپنی ہے۔ اس کے ساتھ ساتھ زونگ4G نے 2017 کی کل ڈیٹا ٹریفک کے آدھے حصے کو بہترین سروسز فراہم کرتے ہوئے اپنا نمایاں مقام برقرار رکھا ہے۔

(جاری ہے)

یہ کامیابی چائنہ موبائل کمیونیکیشن کارپوریشن کی مرہون منت ہے جس کی مضبوط مالی پوزیشن اورجدید ترین تکنیکی مہارت کی بدولت زونگ4G نے پاکستان میں کامیابی کی نئی منازل طے کی ہیں۔زونگ 4G اس وقت ملک میں اپنے صارفین کو ٹیلی کام کی سب سے بہترین سروسز فراہم کرنے کے ساتھ ساتھ اس سیکٹر کی بہتری کیلئے مزید سرمایہ کاری بھی کر رہا ہے۔سال 2017 میں اضافی200ملین امریکی ڈالر کی سرمایہ کاری کی بدولت زونگ4G اس وقت ملک بھر کی300 سے زائد شہروں میں 4G کی بہترین سروسز فراہم کر رہا ہے ۔

اس کے علاوہ زونگ4G کی ملک بھر میں سیل سائٹس کی تعدادتا حال10,000 سے تجاوز کر چکی ہے اور زونگ 4Gکی اسی اضافی سرمایہ کاری کی بدولت تمام سیل سائٹس کو 4G پر منتقل کرنے کی راہ ہموار ہو گئی ہے۔یہاں یہ امر قابل ذکر ہے کہ زونگ4G ای پلیٹ فارم کے ذریعے اپنے صارفین کو بہترین سروسز فراہم کر رہا ہے۔ملک کے چاروں صوبوں میں قائم21 جدید ترین کسٹمر سروس سنٹرز پر مستعد عملہ صارفین کو ڈیجیٹل سروسز فراہم کر رہا ہے۔زونگ4G نے اپنی قابل بھروسہ اور تیز ترین 4G سروسز کی بدولت ترقی کا ایک نیا پیمانہ متعارف کی ہے جس کی بدولت آنے والے دنوں میں ٹیکنالوجی کے معیار کو جانچا جاسکے گا۔