X
UrduPoint

پی ٹی اے ایمپلائز سروس ریگولیشن کے مطابق بھرتی کے لئے ٹیسٹ لینے کی کوئی ضرورت نہیں

وفاقی وزیر پارلیمانی امور شیخ آفتاب احمد کا ایوان بالا میں سوالات کا جواب

اسلام آباد ۔ (اُردو پوائنٹ اخبارتازہ ترین۔ 14 فروری2018ء) وفاقی وزیر پارلیمانی امور شیخ آفتاب احمد نے کہا ہے کہ پاکستان ٹیلی کمیونیکیشن اتھارٹی (پی ٹی ای) ایمپلائز سروس ریگولیشن کے مطابق بھرتی کے لئے ٹیسٹ لینے کی کوئی ضرورت نہیں۔

بدھ کو ایوان بالا کے اجلاس میں سینیٹر کلثوم پروین اور دیگر ارکان کے سوالات کے جواب میں انہوں نے کہا کہ پی ٹی اے میں بھرتی کے لئے شارٹ لسٹنگ رولز کے تحت محکمانہ شارٹ لسٹنگ کمیٹی نے کی۔ انہوں نے کہا کہ چار لوگوں کو بلوچستان سے بھرتی کیا گیا ہے اور تمام صوبوں کا کوٹہ مقرر ہے۔ بلوچستان کا کوٹہ بڑھا کر 7.5 فیصد کر دیا گیا ہے۔ انہوں نے کہا کہ جس وقت بھی ملازمت پر بھرتی کے لئے اشتہار دیا جاتا ہے اس میں کوٹہ بھی ضرور شامل ہوتا ہے، کوٹہ کے بغیر بھرتی کی کوئی قانونی حیثیت نہیں۔

اس وقت سب سے زیادہ پڑھی جانے والی خبریں