X
UrduPoint

وفاقی وزیر رانا تنویر حسین سے یوکرائن کی تجارتی کمپنی کے ڈائریکٹر جنرل پولوبوکن کی ملاقات

پاکستان یوکرائن کے ساتھ تمام شعبوں میں موجودہ تعلقات مضبوط بنانے کا خواہشمند ہے،رانا تنویر حسین

اسلام آباد ۔ (اُردو پوائنٹ اخبارتازہ ترین۔ 14 فروری2018ء) وفاقی وزیر برائے دفاعی پیداوار رانا تنویر حسین نے کہا ہے کہ پاکستان یوکرائن کے ساتھ اپنے تعلقات کو بڑی اہمیت دیتا ہے اور یقین ہے کہ وقت گزرنے کے ساتھ ساتھ دونوں ممالک کے یہ تعلقات مزید بامقصد ہوں گے اور دوطرفہ تعاون کے حوالہ سے ان تعلقات میں مزید اضافہ ہوگا۔

انہوں نے یہ بات یوکرائن کے برآمدات بارے خصوصی سرکاری ادارہ کی تجارتی کمپنی کے ڈائریکٹر جنرل پولوبوکن کے ساتھ بات چیت کرتے ہوئے کہی جنہوں نے اولاکسندرخلان کے ہمراہ ان سے ملاقات کی۔ انہوں نے یوکرائن کے ساتھ تمام شعبوں خصوصاً تجارت، معیشت، دفاع ثقافت اور سائنس و ٹیکنالوجی میں موجودہ تعلقات مضبوط بنانے کی خواہش کا اظہار کیا۔ وفاقی وزیر نے پاکستان اور یوکرائن کے دفاعی شعبہ میں موجودہ تعاون کو بھی سراہا۔

اس وقت سب سے زیادہ پڑھی جانے والی خبریں