جیکب آباد, 15سال سے سندھ اسمال انڈسٹریز کارپوریشن کا ہنری اسکول بند نکاسی آب کے پانی میں ڈوب گیا ،بند آفس پر چاررکنی عملہ مقرر

بدھ 5 اپریل 2017 19:47

جیکب آباد(اُردو پوائنٹ اخبارتازہ ترین - آن لائن۔ 05 اپریل2017ء) جیکب آبادمیں 15سال سے سندھ اسمال انڈسٹریز کارپوریشن کا ہنری اسکول بند نکاسی آب کے پانی میں ڈوب گیا ،بند آفس پر چاررکنی عملہ مقرر۔

(جاری ہے)

تفصیلات کے مطابق جیکب آبادمیںسندھ سمال انڈسٹریز کارپوریشن کا ہنری اسکول گزشتہ 15سالوں سے بند پڑاہے اسکول اوردفتر سیوریج کے پانی میں ڈوباہواہے اس صورتحال میں جیکب آباد کی بچیاں ہنری تعلیم اورتربیت سے محروم ہیں 15سال بعدسندھ سمال انڈسٹریز کارپوریشن لاڑکانہ ریجن کو جیکب آبادمیں ہنری اسکول کا خیال آگیا اور 30مارچ کو ایک لیٹر کے ذریعے تین کلر ک اور ایک چوکیدار کا عملہ مقررکرنے کے احکامات جاری کیے ہیں جس کے بعد تعینات عملہ سیوریج میں ڈوبے ہنری اسکول پہنچاتو دفتر کی حالت دیکھ کر پریشان ہوگیا اس موقع پر سندھ سمال انڈسٹریز کے مقرر کلرک نواب احمد ،عبدالقیوم اورجاویدنے بتایاکہ دفترمیں بڑے عرصے سے جمع سیوریج کے پانی سے عمارت بھی زبوں حال ہوگئی ہے اورکسی بھی وقت گرسکتی ہے افسران نے کہاہے کہ پانی نکلواکر کام شروع کریںجو ممکن نظر نہیں آتا دوسری جانب سند ھ سمال انڈسٹریز کے ضلع افسر عبیداللہ سومرونے رابطہ کرنے پربتایاکہ ہینڈی کرافٹ وومین سینٹر پر قبضہ تھا جو ختم کرایاہے عملہ اس لیے مقررکیاہے تاکہ ادارے کو فعال کیاجائے سیوریج کاپانی نکالنے کے بعد عمارت کی مرمت کی جائے گی جس کے بعد ہنری اسکول کوشروع کیاجائے گا۔