جیکب آباد، مرزاشاخ کو 30فٹ چوڑاشگاف، دھان کی فصل زیرآب

اطلاع کے باوجود آبپاشی حکام نہ پہنچنے پر دیہاتیوں کااحتجاجی مظاہرہ

بدھ 2 اگست 2017 21:05

جیکب آباد(اُردو پوائنٹ اخبارتازہ ترین - آن لائن۔ 02 اگست2017ء)جیکب آبادکی مرزاشاخ کو 30فٹ چوڑاشگاف دھان کی فصل زیرآب اطلاع کے باوجود آبپاشی حکام نہ پہنچنے پر دیہاتیوں کااحتجاجی مظاہرہ تفصیلات کے مطابق جیکب آبادکے قصبہ مبارکپور کے قریب جمٹ واہ کے علاقے میں مرزاشاخ کو اچانک 30فٹ چوڑاشگاف لگا جس کے نتیجے میں 400ایکڑ پر کھڑی دھان کی فصل زیر آب آگئی دیہاتی اپنی مدد آپ کے تحت شگاف کو پر کرنے میں مصروف ہیں اطلاع کے باوجود آبپاشی حکام جائے وقوعہ نہیں پہنچے شگاف سے کروڑوں کے نقصان سے آبادگاروں کے سروں پر ہاتھ آگئے ہیں آبپاشی حکام کی لاپرواہی کے خلاف دیہاتیوں عبدالنبی کھوسو،ایوب سرکی ،یونس کھوسو ،نصراللہ ،محبوب شر اوردیگر نے احتجاج کرتے ہوئے سخت نعریبازی کی ان کاکہناتھاکہ مرزاشاخ کے اوورٹاپ ہونے کی آبپاشی حکام کو اطلاع کی پراطلاع کے باوجود حکام نہ پہنچے جس کے باعث مرزاشاخ کو شگاف لگا 15گھنٹے ہوگئے ہیں کوئی افسر نہیں آیا دیہاتی اپنی مدد آپ کے تحت شگاف پرکرنے میں مصروف ہیں انہوںنے کہاکہ ہمارے کروڑوں کے نقصان کے ذمیدارآبپاشی حکام ہیں ہماری سینکڑوں ایکڑپر کھڑی دھان کی فصل زیر آب آگئی ہے ہمار ا گزر سفر اس فصل پر تھا جو اب پانی میں ڈوب گئی ہے ہم بے یارومددگار بنے ہوئے ہیں سندھ حکومت نوٹس لے کر ہمار ی مددکرے ۔