جیکب آبادمیں جشن آزادی شاندار طریقے سے منانے کا فیصلہ

13اگست کو آتش بازیجبکہ اقلیتی برادری کی جانب سے ریلی نکالی جائے گی

منگل 8 اگست 2017 20:17

جیکب آباد(اُردو پوائنٹ اخبارتازہ ترین - آن لائن۔ 08 اگست2017ء) جیکب آباد میں جشن آزادی شاندار طریقے سے منائی جائے گا۔ ڈی سی کی صدارت میں ہونے والے اجلاس میں فیصلہ، پی ایف بیس میں 13اگست کو آتش بازی ہوگی ،ڈی سی چوک پر آزادی کیمپ اور اقلیتی برادری کی جانب سے ریلی نکالی جائے گی۔

(جاری ہے)

تفصیلات کے مطابق جیکب آباد میں جشن آزادی شاندار طریقے سے منانے کے سلسلے میں ڈپٹی کمشنر آغا شاہنواز بابر کی صدارت میں ایک اجلاس منعقد ہوا، اجلاس میں میونسپل کمیٹی کے وائس چیئرمین آصف علی مغیری، چیمبرس آف کامرس کے ہوند راج ، اسسٹنٹ کمشنر بلال سلیم، اے ڈی سی منصور بلوچ،مختیار کار ابوبکر سدھایو ،صحافی عبدالرحمن آفریدی سمیت مختلف محکموں کے افسران، پولیس افسران ،نجی اسکولوں ، بینکوں کے نمائندوں و دیگر نے شرکت کی، ڈی سی آغا شاہنواز بابر نے اجلاس میں شرکاء کو جشن آزادی کے موقع پر سرکاری اور نجی عمارات کو سبز ہلالی پرچموں اور رنگ برنگی برقی قمقموں سے سجانے کی ہدایت دیتے ہوئے کہا کہ آزادی کا دن ہم سب کے لیے کسی نعمت سے کم نہیں اس لیے اس خوشی کے موقع پر ہم اپنے وطن سے محبت کا ولہانہ اظہار کریں، 13اگست کو شہباز ائیر بیس میں آتش بازی کرنے ڈی سی چوک پر آزادی کیمپ قائم کرنے کا فیصلہ کیا گیا ،ڈی سی نے کہا کہ شہری بھی اپنے گھروں پر قومی پرچم لہرائیں ۔