ملک میں سیاسی سرگرمیوں پر کوئی پابندی نہیں ، فعال پارلیمنٹ ، ہنگامہ خیز اپوزیشن آزاد میڈیا اور خود مختار عدلیہ موجود ہیں،وزیراعظم شوکت عزیز
منگل 13 فروری 2007 22:04
(جاری ہے)
حکومت آئندہ عام انتخابات کرانے کا عزم کئے ہوئے ہے جو آزادانہ منصفانہ اور شفاف ہونگے ۔
قومی وبین الاقوامی مبصرین اور میڈیا ان کا معائنہ کرسکتا ہے ۔ جبکہ تمام سیاسی پارٹیوں کو حصہ لینے کی آزادی ہوگی ۔ خواتین کو با اختیار بنانے کے بارے میں وزیر اعظم نے کہا کہ قانون ساز اداروں میں خواتین کی نمائندگی اور سرکاری ملازمتوں میں کوٹہ بڑھایا گیا ہے جسکی تاریخ میں مثال نہیں ملتی ، حتی کہ یہ کوٹہ کئی ترقی یافتہ ممالک سے بھی زیادہ ہے ۔ پارلیمنٹ میں خواتین کیلئے بیس فیصد نشستیں مخصوص کی گئی ہیں ۔ جبکہ عام نشستوں میں سے بھی بیس خواتین نے حاصل کی ہیں مقامی حکومتوں میں خواتین کو 33فیصد نمائندگی دی گئی ہے ۔ انہوں نے کہا کہ خواتین کو معاشرے میں ان کا جائز مقام دلانے کیلئے سرکاری ملازمتوں میں کوٹہ پانچ فیصد بڑھایا گیا ہے اور خواتین کو پہلی مرتبہ آرمی ، ایئر فورس اور دیگر اداروں میں نمائندگی دی گئی ہے ۔ حکومت نے مائیکرو فنانس سکیموں کے ذریعے خواتین کو قرضے دینے کا عمل شروع کررکھاہے تاکہ وہ گھریلو اور معاشرتی سطح پر اپنا کردار ادا کرسکیں حکومت خواتین کی صلاحیت بڑھانے کے پروگراموں پر بھی خصوصی توجہ دے رہی ہے ۔ اس ضمن میں حکومتی ایجنڈے کی تفصیلات بتاتے ہوئے شوکت عزیز نے کہا کہ خواتین کے حقوق کو یقینی بنانے کیلئے پہلے ہی ایک قانون منظور کیا جا چکا ہے ۔ جبکہ خواتین کے خلاف رسومات کے خاتمے کیلئے نیا بل قومی اسمبلی میں لایا گیا ہے جس سے خواتین کے خلاف امتیازی سلوک کا خاتمہ ہوگا ۔ حکومت ان کے خلاف نا انصافی ختم کرنے کیلئے ہر ممکن اقدامات کرے گی ۔انہوں نے کہا کہ پاکستان برطانیہ کے ساتھ اپنے تعلقات کو بے حد اہمیت دیتا ہے ۔ بڑی تعداد میں پاکستانی دونوں ملکوں کے درمیان تعلقات مستحکم بنانے میں کردار ادا کررہے ہیں ۔ برطانوی ارکان پارلیمنٹ نے وزیر اعظم کو بتایا کہ وہ گزشتہ سات سالوں میں پاکستان کی ترقی سے بے حد متاثر ہوئے ہیں ۔ برطانیہ اور مغربی یورپ میں پاکستان کے بارے میں جو کچھ بتایا جاتا ہے پاکستان اس سے بہت مختلف ہے ۔ کرسٹین رسل نے کہا کہ پارلیمنٹ میں خواتین کی نمائندگی سمیت اس ضمن میں ہونے والے اقدامات موثر ہیں اور بہت سے ممالک سے پاکستان میں خواتین کی نمائندگی زیادہ ہے ۔ انہوں نے دہشت گردی کے خلاف جنگ میں پاکستان کے کردار کو سراہا اور یقین دلایا کہ وہ اپنے پارلیمنٹ اور حلقوں میں پاکستان کا نیا چہرہ پیش کریں گی جو انہوں نے یہاں دیکھا ہےمزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.