اپوزیشن اور عدلیہ آزاد نہ ہوئی تو مزید تیس سال کیلئے حسنی مبارک مسلط رہیگا،ایران سے زیادہ پاکستان کو خطرات ہیں ،سیاسی جماعتیں خودبھی تقسیم ہیں اور عوام کو بھی کر رہی ہیں ،نوازشریف نے جس طرح چیف آف آرمی سٹاف کو ہٹایا اور جنرل مشرف نے افتخار محمد چوہدری کو ہٹایا ہے دونوں طریقے ہی غلط ہیں ،جنرل حمید گل کا لاہور بارکونسل سے خطاب اور وکلاء کے سوالوں کے جوابات
پیر 26 مارچ 2007 14:14
(جاری ہے)
ایران کی عوام بیدار ہو چکی ہے امریکہ حملے کی جرات نہیں کریگا ایران سے زیادہ پاکستان کو خطرات ہیں ۔
وہ گزشتہ روز ایوان عدل میں لاہور بار کونسل سے خطاب اور وکلاء کے سوالات کے جوابات دے رہے تھے ۔ اس موقع پر لاہور بار کونسل کے صدر سید محمد شاہ ،جنرل سیکرٹری خاور بشیر اور وکلاء کی بڑی تعداد موجود تھی ۔ جنرل حمید گل نے ایوان عدل میں لاہور بار کونسل کی طرف سے لگائے گئے بھوک ہڑتالی کیمپ میں بھی شرکت کی اور وکلاسے اظہار یکجہتی کی ۔ حمید گل نے کہا کہ حکمران غیر ملکی اشارے پر اپنی فوج کو اپنی ہی عوام کے خلاف استعمال کر رہے ہیں اور لوگوں کا قتل عام کیا جا رہا ہے اس کے باوجود امریکہ ہم سے خوش نہیں ہے ۔موجودہ حالات میں ایران سے زیادہ پاکستان کو خطرات ہیں کیونکہ ایران کی عوام بیدار ہو چکی ہے اور وہاں پر حملہ کرنا امریکہ کیلئے آسان نہیں ہے اور اسرائیل بھی شروع دن سے ہی پاکستان کو اپنی ہٹ لسٹ پر رکھتا ہے اور سمجھتا ہے کہ امریکہ کو اس خطے سے جانے سے قبل کسی ایسی دلدل میں پھنسایا جائے کہ وہ اس خطے کو چھوڑنے کے قابل نہ رہے ۔ انہوں نے کہا کہ نواز شریف نے جس طریقے سے چیف آف آرمی سٹاف کوہٹایا تھا وہ طریقہ غلط تھا اور اسی وجہ سے فوج متحدہو گئی اور ایک منتخب وزیر اعظم کو فارغ کر کے اسے بعدازاں جلا وطن بھی کر دیا اور آج بھی جنرل مشرف نے افتخار محمد چوہدری کو معطل کر کے طریقہ اپنایا وہ بھی غلط ہے اور وکلا بھی متحد ہو چکے ہیں جس سے حکمرانوں کی رخصتی ضرور ہو گی ۔ انہوں نے کہا کہ جنرل پرویز مشرف نے غلطی تو کر لی ہے مگر اسے اب سمجھ نہیں آرہی کہ وہ اب کیا کریں ۔ جنرل مشرف نے جب افتخار محمد چوہدری کو آرمی ہاؤس بلایا تھا تو اس وقت انہوں نے بطور صدر نہیں آرمی چیف بلایا تھا جو قابل مذمت ہے ۔ حمید گل نے کہا کہ حکمران افتخار محمد چوہدری کو نجکاری میں بھی رکاوٹ سمجھتے تھے کیونکہ حکمران تو ایسٹ انڈیا کمپنی جیسا ماحول بنا رہے ہیں اور تمام اداروں کو اونے پونے داموں آئی ایم ایف اور ورلڈ بینک کے نمائندوں کو دے رہے ہیں جن کے پشت پر امریکہ ہے ۔ انہوں نے کہا کہ وکلا نے عدلیہ کی آزادی اور جمہوریت کی تحریک شروع کر کے قائد اعظمکے ادھورے انقلاب کو مکمل کرنے کی طرف قدم رکھا ہے اور جو بھی اس تحریک سے پیچھے ہٹے گا وہ گرد راہ بن جائے گا۔ جنرل مشرف کا دور ختم ہونے والے ہے اور اس کا بگل بجھ چکا ہے اور افتخار محمد چوہدری کو معطل کرنا انکی آخری غلطی تھی جو انہیں رخصتی تک لے جائے گی ۔ انہوں نے کہا کہ مجھے لگتا ہے کہ اب دوسرا ریفرنس جنرل پرویز مشرف کے خلاف آئین کے آرٹیکل 6کے تحت آنے والا ہے ۔ عدلیہ ہماری دفاعی لائن ہوتی ہے اور حکمرانوں نے اپنی دفاعی لائن کو کمزور کیا ہے اور اب اسے ختم کرنے کی سازش کر رہے ہیں ۔ پارلیمنٹ کی بھی کوئی اہمیت نہیں ہے وہ بھی فرد واحد کے حق میں فیصلے کر رہی ہے اور امریکہ کو بھی ایسی ہی جمہوریت پسند ہے جو اس کے مفادات کو پورا کرے ۔ انہوں نے کہا کہ اگر پوری عوام اٹھ کھڑی ہوئی تو فوج کو عوام کو شکست دینا ناممکن ہو جائے گا کیونکہ دنیا میں کہیں بھی آج تک فوج نے اپنی عوام کو شکست نہیں دی ۔ حمید گل نے کہا کہ پاکستانی حکمران جس راہ پر چل رہے ہیں یہ انتہائی خطرناک ہے امریکہ بھی ہمیں گھور رہا ہے اور بھارت بھی دریاؤں پار مزید ڈیم بنانے کی باتیں کر رہا ہے جو پاکستان کیلئے انتہائی نقصان دے ہے ۔ امریکہ تو ہماری حاکمیت عالی کو نگل چکا ہے اور پاکستان کے اندر بھی حملے کر رہا ہے ۔ انہوں نے کہا کہ ہم جنرل مشرف کو پیغام دیتے ہیں کہ دونوں میں سے ایک عہدہ چھوڑ دیں اور موجودہ پارلیمنٹ سے کوئی امید لگانے کی بجائے فورا عام انتخابات کا اعلان کریں موجودہ اسمبلیوں کی مدت پوری ہونے سے کوئی چار چاند نہیں لگ جائیں گے ۔ محمد شاہ نے کہا کہ وکلاء نے جس تحریک کا آغاز کر دیا ہے یہ افتخار محمد چوہدری کی بحالی پر ہی ختم نہیں ہو گی بلکہ ملک میں حقیقی جمہوریت اور اداروں کی آزادی تک جاری رہے گی ۔ انہوں نے کہا کہ جنرل مشرف نے عدلیہ پر حملہ کیا ہے جسے وکلاء کسی صورت بھی قبول نہیں کر سکتے اور وکلاء کی یکجہتی اس بات کا ثبوت ہے کہ ہم حکمرانوں کو جلد اقتدار سے بھاگا دینگے ۔ اس موقع پر دیگر نے بھی خطاب کیا ۔مزید اہم خبریں
-
لوٹا ہوا پیسہ پاکستان واپس لایا جائے تو ڈالر 50 روپے کا ہو جائے گا
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.