پیپلز پارٹی نے ملک توڑا، قوم پاکستان کو متحد دیکھنا چاہتی ہے تو مسلم لیگ (ق) کو کامیاب کرائے، پیپلز پارٹی اور (ن) لیگ کی قیادت نااہل ہو چکی ہے، این آر او کے خاتمے پر جدہ اور لندن والے واپس جاتے نظر آئیں گے، پیپلز پارٹی والے اقتدار میں ہوں تو قومی خزانے کے ذریعے جبکہ اقتدار سے باہر لوٹ مار کے ذریعے اپنا پیٹ پالتے ہیں، نواز شریف کو عوام اور ملک سے محبت ہوتی تو اڈیالہ جیل میں وقت گزارتے ، سعودی عرب فرار نہ ہوتے۔ سابق وزیراعلیٰ پنجاب چوہدری پرویز الہی کا کرال چوک میں انتخابی جلسہ سے خطاب
اتوار 27 جنوری 2008 18:23
(جاری ہے)
سابق صوبائی وزیر قانون محمد بشارت راجہ ، رضوان صادق، مصطفیٰ نواز کھوکھر اور دیگر رہنماؤں نے بھی جلسہ سے خطاب کیا۔ چوہدری پرویز الہیٰ نے کہاکہ پنجاب میں احساس محرومی دور کرنے کیلئے تیس ارب روپے کے ترقیاتی کام کرائے ہیں اور انشاء الله آئندہ منتخب ہو کر مزید ترقیاتی کام کروں گا۔
انہوں نے کہاکہ پیپلز پارٹی نے ملک کے دو ٹکڑے کئے ۔ پیپلز پارٹی اور ن لیگ کی قیادت نا اہل ہے وہ سیاست میں کیا ڈھونڈ رہی ہے۔ میاں محمد نواز شریف اگر حکومت اور عوام کے خیر خواہ ہوتے تو سعودی عرب بھاگنے کی بجائے اڈیالہ جیل میں عوام کی محبت کے اظہار کے طور پر وقت گزارتے۔ انہوں نے کہاکہ اصل مسلم لیگ ہماری جماعت ہے جو گلی اور کوچوں میں متحرک ہے۔ انہوں نے کہاکہ ن لیگ اور پیپلز پارٹی کی قیادت نا اہل ہونے کے بعد چور دروازوں سے اقتدار میں داخل ہونے کی کوشش کر رہی ہے۔ عوام خود ان کا راستہ روکیں گے۔ انہوں نے کہاکہ پیپلز پارٹی اور ن لیگ کے کسی دور کا ہمارے پانچ سالہ دور سے موازنہ کریں تو ہمارا دور ہر لحاظ سے سب سے اوپر رہے گا۔ انہوں نے کہاکہ یہ کیسی سیاسی جماعتیں ہیں جو قومی حکومت کے مطالبے کر رہی ہیں،اگر انہیں اپنی کارکردگی پر ناز ہے تو الیکشن میں دیکھ لیتے ہیں کہ کون کتنے پانی میں ہے ۔ انہوں نے کہاکہ زرداری لیگ والوں نے ہمارے امیدواروں کی املاک، بینرز ، سائن بورڈز کو نقصان پہنچایا، ہم ان کا ازالہ کریں گے اور کمیشن کی رپورٹ کو منظر عام پر لائیں گے۔ انہوں نے کہا کہ پیپلز پارٹی والے اقتدار میں ہوں تو قومی خزانے کو لوٹتے ہیں اور اگر اقتدار میں نہ ہوں تو توڑ پھوڑ کر کے لوٹ مار کرتے ہیں، ان کا مشن عوام کیلئے مسائل پیدا کرنا ہے۔ راجہ بشارت، راجہ محمد ناصر، رضوان صادق، مصطفیٰ نواز کھوکھر اور دیگر رہنماؤں نے خطاب کرتے ہوئے کہا کہ آج کا اجتماع عوامی ریفرنڈم ہے، 18 فروری کو مسلم لیگ(ق) راولپنڈی اور اسلام آباد میں کلین سویپ کرے گی۔ انہوں نے کہاکہ پرویز الہیٰ وزیراعظم بننے کے بعد ہمیں اور ہمارے مسائل کو بھول نہیں جائیں گے اورآئندہ وزیراعظم پرویز الہٰی ہی ہوں گے۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.