پاکستانی عوام جہاد میں حصہ لیں اور امریکی افواج کیخلاف جنگ لڑیں، ایمن الظواہری

بدھ 15 جولائی 2009 13:36

اسلام آباد (اُردو پوائنٹ اخبار تازہ ترین۔15جولائی ۔2009ء) القاعدہ کے نائب امیر ایمن الظواہری نے پاکستانی عوام پر زور دیتے ہوئے کہا ہے کہ وہ جہاد میں حصہ لیں اور امریکی افواج کے خلاف جنگ لڑیں۔ ایک اسلامی ویب سائٹ پر جاری ہونے والے بیان میں ایمن الظواہری نے کہاکہ اس مشکل وقت میں ہر پاکستانی مسلمان کا فرض ہے کہ وہ غیرمسلموں کے خلاف جہاد میں حصہ لیں۔

(جاری ہے)

انہوں نے کہاکہ مسلم ممالک کے دشمن مسلمانوں میں گھس گئے ہیں اب مسلمانوں کو چاہئے کہ متحد ہو کر ان کے خلاف جہاد لڑیں اور اپنے پڑوسی ممالک میں رہنے والے مسلمانوں کی بھی مدد کریں اور ان کے ساتھ جہاد لڑیں۔ القاعدہ رہنما نے کہاکہ امریکہ اور اتحادی قوتوں نے پاکستان اور افغانستان پر قبضہ کرنے کی کوشش کررہے ہیں تاہم وہ انہیں اس مقصد میں کامیاب نہیں ہونے دیں گے۔ انہوں نے کہاکہ یہ بات واضح ہوگئی ہے کہ پاکستان دو طاقتوں کے درمیان اندرونی جدوجہد کا شکار ہے اور اگر عوام نے مجاہدین کا ساتھ نہ دیا تو نہ صرف پاکستان اور افغانستان کی تباہی کا سبب بنے گا بلکہ اللہ تعالیٰ بھی انہیں اس کی سزا دے گا۔