پرویز مشرف کا نام ای سی ایل سے نکالنے کیلئے سندھ ہائیکورٹ میں درخواست دائر

منگل 12 نومبر 2013 13:24

کراچی(اُردو پوائنٹ تازہ ترین اخبار۔ 12نومبر 2013ء) سابق صدر وآرمی چیف جنرل پرویز مشرف کا نام ایگزٹ کنٹرول لسٹ (ای سی ایل) سے نکالنے کے لئے سندھ ہائی کورٹ میں درخواست دائر کردی گئی ہے۔

(جاری ہے)

پرویز مشرف کی جانب سے ان کا نام ای سی ایل سے نکالنے سے متعلق درخواست ان کے وکیل نے دائر کی جس میں مؤقف اختیار کیا گیا ہے کہ پرویز مشرف کی تمام مقدمات میں ضمانت ہوچکی ہے، ان کی والدہ علیل ہیں جن سے ملنے کے لئے وہ ملک سے باہر جانا چاہتے ہیں لہٰذا ان کا نام ای سی ایل سے نکالا جائے۔ عدالت نے درخواست سماعت کے لئے منظور کرتے ہوئے وفاقی حکومت اور وزارت داخلہ کو 18 نومبر کے نوٹسز جاری کردیئے۔