اللہ کی زمین پر اللہ کا قانون نافذ ہونے سے ہی مسلمانوں کا کھویا ہوا وقار بحال ہوسکتا ہے ، جماعت ا سلامی مقبوضہ کشمیر
ہفتہ 11 جنوری 2014 12:43
سرینگر ( اُردو پوائنٹ تازہ ترین اخبار۔ 11جنوری 2014ء) مقبوضہ کشمیر میں جماعت اسلامی کے امیر محمد عبداللہ وانی نے کہا ہے کہ اللہ کی زمین پر اللہ کا قانون نافذ ہونے سے ہی مسلمانوں کا کھویا ہوا وقار بحال ہوسکتا ہے ،اسوہ حسنہ پر عمل پیرا ہوکر ہی دنیا اور آخرت میں کامیاب ہوسکتے ہیں ۔ اپنے ایک بیان میں انہوں نے کہاکہ اللہ کی زمین پر اللہ کا قانون نافذ ہونے سے ہی مسلمانوں کا کھویا ہوا وقار بحال ہوسکتا ہے اور انسانیت کے تمام مسائل بھی از خود حل ہوجائیں گے۔
حضور تمام انسانیت کی ہدایت کے لیے مبعوث کیے گئے اور آپ نے اللہ کی کتاب کی تعلیم دے کر قیامت کی صبح تک انسانیت کو اللہ کے فراہم کردہ ضابطہ حیات سے نہ صرف متعارف کیا بلکہ عملا مدینہ کی فلاحی اسٹیٹ قائم کرکے انسانیت کوخدائی نظام کا بہار دکھایا۔(جاری ہے)
امیر موصوف نے کہا کہ قرآن میں تمام مسائل کا حل ہے اور یہ واحد کتاب ہے جو انسانیت کو دنیا و آخرت کی فلاح کی ضمانت فراہم کرتی ہے۔
یہ خالص مسلمانوں کی ہی کتاب نہیں ہے بلکہ یہ پوری انسانیت کی ہدایت کے لیے نازل کی گئی ہے۔ انہوں نے کہا کہ قرآن مجید نہ فرقہ پرستی کا درس دیتا ہے او رنہ ہی اِس سے اونچ نیچ اور سماجی بھید بھاو کا درس ملتا ہے بلکہ یہ کتابِ رحمت ہے جو انسانیت کو جوڑنے کا کام کرتی ہے، اولادِ آدم کو فلاحِ دنیا وفلاحِ آخرت کی راہ دکھاتی ہے۔ محمد عبداللہ وانی نے کہا کہ رسول رحمت صلی اللہ علیہ وسلم انسانی حقوق کے محافظ ہیں اور آپنے سماج کے تمام طبقوں بشمول خواتین کو عزت کے مقام پر فائز کیا۔امیر جماعت نے کہا کہ افسوس کا مقام یہ ہے کہ ہم مسلمان اس وقت حضور صلی اللہ علیہ وسلم کے امتی ہونے کا دعوی تو کرتے ہیں اور آپ کے عشق اور محبت کا بھی زبانی دعوی رکھتے ہیں مگر ان کی تعلیمات اور ان کے لائے ہوئے دین کو پس پشت ڈال کر من مانی کرنے کا جرم عظیم بھی ہم سے سرزدہو رہا ہے۔ امیر جماعت نے کہا عشق رسول صلی اللہ علیہ وسلم کا تقاضا ہے کہ ہم قرآن کی جانب رجوع کریں، اقامت دین کا کام کریں اور اللہ تعالی کابھیجا ہوا ضابطہ حیات پورے روئے زمین پر نافذ کرنے کے لیے جدوجہد کرنے کے علاوہ حضور صلی اللہ علیہ وسلم کے پیغام اور تعلیمات کو غیر مسلموں تک پہنچانے کا کام انجام دیں۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.