بنوں :سیکیورٹی فورسز کے قافلے میں دھماکا، 20 اہلکار شہید ،30 زخمی، کالعدم تحریک طالبان نے ذمہ داری قبول کر لی
اتوار 19 جنوری 2014 11:48
بنوں(رحمت اللہ شباب. اُردو پوائنٹ اخبار تازہ ترین۔19جنوری۔2014ء) بنوں میں سیکیورٹی فورسز کے قافلے میں دھماکے سے 20 اہلکار شہید اور 30 سے زائد زخمی ہوگئے۔ بارودی مواد ایف سی کی جانب سے کرائے پر لی گئی پرائیوٹ گاڑی میں نصب کیا گیا تھا۔ نمائندہ اُردو پوائنٹ کے سیکیورٹی ذرائع کے مطابق بنوں سے ہر ہفتے اور اتوار کو فورسز کے قافلے اہل کاروں کی تعیناتی اور سامان کی ترسیل کے لیے شمالی وزیرستان جاتے ہیں۔
یہ عمل روڈ آپریشنل ڈیپلائے منٹ کہلاتا ہے اور اس مقصد کے لیے پرائیوٹ گاڑیاں بھی کرائے پر لی جاتی ہیں۔ اتوار کی صبح بھی فورسز کا قافلہ بنوں کینٹ سے میران شاہ روانہ ہوا۔ قافلہ ابھی کینٹ کی حدود میں ہی تھا کہ 8 بجکر 45 منٹ پر رزمک گیٹ پر قافلے میں شامل ایک پرائیوٹ گاڑی میں دھماکا ہوگیا۔(جاری ہے)
دھماکا اتنا زور دار تھا کہ پورے بنوں میں اس کی آواز سنی گئی۔
سیکیورٹی ذرائع کے مطابق جس گاڑی میں بارودی مواد نصب کیا گیا اس میں ایف سی کے اہل کار سوار تھے۔ لاشوں اور زخمیوں کو فوری طور پر کمبائنڈ ملٹری اسپتال بنوں منتقل کیا گیا۔ واقعے کے بعد سیکیورٹی فورسز نے پورے علاقے کا محاصرہ کرلیا اور کسی کو دھماکے کے مقام کی طرف جانے کی اجازت نہیں دی گئی۔ ذرائع کے مطابق اس بارے میں تحقیقات شروع کردی گئی ہیں کہ پرائیوٹ گاڑی کس کے ذریعے اور کس سے کرائے پر لی گئی تھی۔ دھماکے کی ذمہ داری کالعدم تحریک طالبان پاکستان نے قبول کرلی۔ ترجمان شاہد اللہ شاہد نے نامعلوم مقام سے ٹیلی فون پر بتایا کہ ہم اس کی ذمہ داری قبول کرتے ہیں سیکورٹی فورسز ہمارے خلاف کاروائیاں کرتے ہیں لہٰذا اس کے خلاف ہماری کاروائیاں جاری رہے گی۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.