امن کے قیام کیلئے حکومت کے ساتھ ساتھ صحافیوں کے کندھوں پر بھی بھاری ذمہ داریاں عائد ہوتی ہیں،پرویزخٹک، امن مذاکرات کو کامیابی سے ہمکنار کرنے اور خطے میں پائیدار امن و آشتی اور اُخوت کا ماحول قائم کرنے کیلئے طالبان اور حکومتی مذاکراتی کمیٹیوں سے پورا تعاون کرینگے، وزیراعلیٰ خیبرپختونخوا
پیر 3 فروری 2014 21:08
پشاور(اُردو پوائنٹ اخبار تازہ ترین۔3 فروری ۔2014ء) خیبرپختونخوا کے وزیر اعلیٰ پرویز خٹک نے جرنلسٹس ویلفیئر اینڈ سیفٹی ڈویلپمنٹ فاؤنڈیشن اور تخت بھائی پریس کلب کے سالانہ انتخابات میں کامیابی پر نو منتخب عہدیداروں کو دلی مبارکباد دی ہے اور توقع ظاہر کی ہے کہ وہ اور ان کے دیگر ساتھی معاشرے میں اعلیٰ صحافتی اقدار کے فروغ اور صحافیوں کی فلاح و بہبود کیلئے یکساں طور پر مخلصانہ کوششیں جاری رکھیں گے جرنلسٹس فاؤنڈیشن کے چیئرمین اور سینئر صحافی سید علی حضرت باچا اور تخت بھائی پریس کلب کے نو منتخب چیئرمین حیات اللہ اور ان کی کابینہ کے دیگر عہدیداروں کے نام اپنے الگ الگ تہنیتی پیغامات میں وزیر اعلیٰ نے کہا کہ آج کے گھمبیر حالات میں جب ملک میں ایک دہائی سے جاری بدامنی اور دہشت گردی کے خاتمے کیلئے امن کوششوں کا آغاز ہو گیا ہے سیاستدانوں اور حکومت کے ساتھ ساتھ صحافیوں کے کندھوں پر یہ بھاری قومی ذمہ داریاں عائد ہوتی ہیں کہ وہ امن کے قیام کے لئے حکومتی کوششوں کو کامیاب بنانے اور اس سلسلے میں عوام اور حکومت کی رہنمائی میں اپنا اہم کردار ادا کریں اُنہوں نے کہا کہ اُنکی صوبائی حکومت ہمارے پارٹی سربراہ عمران خان کی ہدایات کے تحت امن مذاکرات کو کامیابی سے ہمکنار کرنے اور خطے میں پائیدار امن و آشتی اور اُخوت کا ماحول قائم کرنے کیلئے طالبان اور حکومتی مذاکراتی کمیٹیوں سے پورا تعاون کرے گی اور میڈیا سے بھی ہمیں اسی طرح کی اچھی توقعات ہیں وزیراعلیٰ نے یہ بھی امید ظاہر کی کہ نو منتخب صحافی عہدیدار عوامی مسائل کو مناسب سطح پر موثر انداز میں اجاگر کرنے کیلئے اپنی پیشہ ورانہ صلاحیتوں کو بروئے کار لائیں گے انہوں نے کہا کہ دہشت گردی کے خلاف جنگ میں خیبر پختونخوا کے صحافیوں نے ناقابل فراموش قربانیاں دی ہیں اور پیشہ ورانہ فرائض کی ادائیگی کے دوران جانوں کے نذرانے پیش کئے صوبائی حکومت ان کی قربانیوں کو قدر کی نگا ہ سے دیکھتی ہے انہوں نے یقین دلایا کہ موجودہ صوبائی حکومت صوبے میں صحافیوں کی فلاح و بہبود ، پیشہ ورانہ فرائض کی ادائیگی کیلئے ماحول کو ساز گار بنانے اور ان کے تحفظ کو یقینی بنانے کیلئے ہر ممکن اقدامات کرے گی وزیراعلیٰ نے توقع ظاہر کی کہ تمام صحافی عہدیدار صحافیوں کی فلاح و بہبود اور قومی مسائل اُجاگر کرنے کیلئے اپنی قائدانہ صلاحیتوں کو بھر پور انداز میں بروئے کار لائیں گے اور اس حوالے سے حکومت کو مثبت اور قابل عمل تجاویز دیں گے وزیر اعلیٰ نے اُنہیں اس سلسلے میں صوبائی حکومت کی طرف سے بھر پور تعاون کا یقین دلایا ۔
متعلقہ عنوان :
مزید قومی خبریں
-
صوبائی وزیرصحت خواجہ سلمان رفیق کی زیرصدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
لیسکو کی بجلی چوروں کا خلاف کارروائیاں ، 8 ملزمان گرفتار
-
چیئرمین یوتھ پروگرام رانا مشہود احمد خاں کی کے ڈپٹی گورنر سٹیٹ بینک سلیم اللہ سےملاقات
-
ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ
-
خیبرپختونخوا،غیرت کے نام پرقتل کے الزام میں 3 مشتبہ افراد گرفتار
-
دفعہ 144 کی خلاف وزری کا کیس: رہنما پی ٹی آئی اعظم سواتی کی ضمانت کنفرم
-
مئی کیس،شیخ رشید کی 3 مقدمات میں بریت کی درخواست پر نوٹس جاری
-
منشیات کی لعنت کوجڑسے ختم کرنے کیلئے پنجاب پولیس کا کریک ڈائون جاری
-
گزشتہ 14 ماہ میں ملتان ریجن پولیس ملازمین کی 3758 اپیلوں پر فیصلہ سنایا گیا
-
نان سٹمپڈ اورجعلی سگریٹس کی فروخت کے خلاف ملک گیر کریک ڈاؤن ،96 ملین روپے مالیت کے سگرٹیس ضبط
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.