انگوٹھوں کی تصدیق ، سپریم کورٹ نے الیکشن کمیشن سے تحریری جواب طلب کر لیا
منگل 11 فروری 2014 11:34
اسلام آباد(اُردو پوائنٹ تازہ ترین اخبار۔ 11فروری 2014ء) سپریم کورٹ نےعمران خان کی چار حلقوں میں انگوٹھوں کے نشانات کی تصدیق سے متعلق کیس میں اٹارنی جنرل کو نوٹس جاری کر دیئے،عدالت عظمٰی نے انتخابی عملے میں وفاق اور صوبائی ملازمین کی شرح سے متعلق الیکشن کمیشن سے تحریری جواب بھی طلب کر لیا۔ چیف جسٹس تصدق حسین جیلانی کی سربراہی میں تین رکنی بنچ نےعمران خان کی چار حلقوں میں انگوٹھوں کے نشانات کی تصدیق سے متعلق کیس کی سماعت کی۔حلقہ این اے 125 لاہور اور این اے 154 ملتان سے الیکشن ٹریبونل کی رپورٹ سپریم کورٹ میں پیش کر دی گئی۔رپورٹ میں کہا گیا ہے کہ حلقہ این اے 125 کے ٹریبونل نے تحریک انصاف کے وکیل نے گواہوں کے بیان حلفی اور شواہد پیش نہیں کیے ۔
(جاری ہے)
اسی وجہ سے انگوٹھوں کی تصدیق کا عمل آگے نہیں بڑھ سکا۔تحریک انصاف کے وکیل نے ہی معاملہ نئے الیکشن ٹریبونل بھیجنے کی درخواست کی۔
ایڈووکیٹ حامد خان نے بتایا کہ سولہ جنوری کو الیکشن کمیشن نے انتخابی عذرداری نئے ٹریبونل کو بھیج دی۔ہم نے کسی ایک حلقے میں نہیں، پورے ملک میں انتخابی دھاندلی کی نشاندہی کی۔ جسٹس شیخ عظمت نے استفسار کیا کہ پھر آپ نے صرف چار حلقوں کا انتخاب کیوں کیا۔ حامد خان نے کہا کہ چار حلقے صرف مثال کے طور پر پیش کیے ، ہم عدالت کو وسیع پیمانے پر دھاندلی کی نشاندہی کرانا چاہتے ہیں۔چیف جسٹس نے استفسار کیا کہ گیارہ مئی کے انتخابات میں وفاقی اور صوبائی ملازمین کس شرح سے انتخابی ڈیوٹی پر تعینات کیے گئے۔سیکریٹری الیکشن کمیشن اشتیاق احمد نے بتایا کہ وفاقی ملازمین کی زیادہ تعداد دستیاب نہیں تھی،اس لیے صوبائی ملازمین نسبتا زیادہ تعداد میں انتخابی ڈیوٹی پر مامور تھے۔ریٹرننگ افسر اس بات کا تعین کرتے ہیں کہ پولنگ عملہ کون ہوگا۔ چیف جسٹس نے کہا کہ پہلے الیکشن کمیشن ریٹرننگ افسر کو فہرست بھیجتا ہے۔ اشتیاق احمد نے بتایا کہ اس فہرست کی بنیاد پر اور اپنی صوابدید پر تعیناتیاں کرتے ہیں۔انتخابی عملے کے لیے وفاقی اور صوبائی ملازمین کی تعیناتی کی شرح مخصوص نہیں ہے۔ چیف جسٹس نے ریمارکس دیئے کہ انتخابی عملے کی تعیناتی قواعد کے مطابق ہونی چاہئے ۔ اس حوالے سے الیکشن کمیشن کا جواب تسلی بخش نہیں ہے۔ سپریم کورٹ نے انتخابی عملے میں وفاق اور صوبائی ملازمین کی شرح سے متعلق الیکشن کمیشن سے تحریری جواب طلب کر لیا۔عدالت عظمٰی نے اٹارنی جنرل کو نوٹس جاری کرتے ہوئے کیس کی مزید سماعت مارچ کے پہلے ہفتے تک ملتوی کر دی۔متعلقہ عنوان :
مزید اہم خبریں
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
لاہور : سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
حکومت کا پٹرولیم مصنوعات کی قیمتیں ڈی ریگولیٹ کرنے پر غور
-
پنجاب میں 23 اپریل سے بارشوں کا نیا سلسلہ داخل ہو گا
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.