مقبول بٹ کی تحریک آزادی کیلئے خدمات کشمیر کی تاریخ کا سنہری باب ہے ،یاسین ملک
بدھ 12 فروری 2014 13:53
سرینگر (اُردو پوائنٹ تازہ ترین اخبار۔ 12فروری 2014ء) مقبوضہ کشمیرمیں جموں و کشمیر لبریشن فرنٹ کے چیئر مین محمد یاسین ملک نے ممتاز حریت رہنما محمد مقبول بٹ کوانکی شہادت کی برسی پر شاندار خراج عقیدت پیش کرتے ہوئے کہا کہ شہید کی تحریک آزادی کے لئے خدمات کشمیر کی تاریخ کا ایک سنہری باب ہے۔ محمد یاسین ملک نے سرینگر میں جاری ایک بیان میں کہاکہ محمد مقبول بٹ نے آج سے تیس برس قبل نئی دلی کی تہاڑ جیل میں تختہ دار کو چوم کر تحریک آزادی کو ایک نئی جلا بخشی۔
انہوں نے کہا کہ شہید کی برسی پر کشمیری جس منظم اور والہانہ انداز سے اپنے ہیرو کو یاد کررہے ہیں وہ بھارت کے لیے یہ واضح پیغام ہے کہ وہ آزادی پسند رہنماؤں کو سزائے موت دینے یاانہیں سلاخوں کے پیچھے دھکیل کر کشمیریوں کے جذبہ آزادی کو ہرگز دبا نہیں سکتا۔(جاری ہے)
دریں اثنا لبریشن فرنٹ کے رہنمابشیر احمد کشمیری کی قیادت میں سرینگر کے علاقے مائسمہ سے لال چوک کی طرف جانے والے ایک پر امن جلوس پربھارتی پولیس نے دھاوا بول کر اسے آگے بڑھنے سے روک دیا اور بشیر احمد کشمیری،غلام رسول ہزاری،محمدحنیف،محمد افضل شیخ،امتیاز احمد،شاہد مکایا سمیت دیگر رہنماؤں اور کارکنوں کو گرفتار کر لیا۔
ادھر جموں و کشمیر لبریشن فرنٹ کے زیر اہتمام شہید محمدمقبول بٹ کے آبائی گاؤں ترہگام میں ایک تقریب کا انعقاد کیا گیاجس کی صدارت تنظیم کے سینئر رہنما ماسٹر محمد افضل نے کی۔ تقریب میں مختلف شعبہ ہائے زندگی سے تعلق رکھنے والے افراد کی ایک بڑی تعداد نے شرکت کی۔ تقریب سے خطاب میں مقررین نے شہید محمد مقبول بٹ کو شاندار خراج عقیدت پیش کیا ۔ انہوں نے کہا کہ شہید نے ایک عظیم مقصد کے لیے اپنی جان کا نذرانہ پیش کیا ہے۔ انہوں نے کہا کہ مقبول بٹ اور دیگر ہزاروں شہداء کو خراج عقیدت پیش کرنے کا بہترین طریقہ یہ ہے کہ انکے مشن کو مقصد کے حصول تک ہرقیمت پرجاری رکھا جائے۔ تقریب میں مقبول بٹ کے بھتیجے اور بھتیجی نے شہید کے بارے میں نظمیں پڑھیں۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.