مقبوضہ بیت المقدس، شدت پسند یہودی تنظیموں نے کانفرنس کی تیاریاں شروع کردیں
پیر 10 مارچ 2014 15:48
مقبوضہ بیت المقدس (اُردو پوائنٹ تازہ ترین اخبار۔ 10مارچ 2014ء) اسرائیل کی شدت پسند یہودیوں کی مختلف تنظیموں نے (آج) منگل کو مقبوضہ بیت المقدس میں بڑی کانفرنس کی تیاریاں شروع کر دیں، کانفرنس میں مسجد اقصیٰ کی نگرانی اردن سے لیکر اسرائیل کو دیئے جانے کے موضوع پر خیالات کا اظہار کیا جائیگا اس کے علاوہ اس کانفرنس میں قبلہ اول کو یہودی تسلط میں دیئے جانے کے بعد درپیش حالات کا سامنا کرنے کی تیاری پربھی غور کیا جائیگا۔
اسرائیلی اخبارات کی رپورٹ کے مطابق ہیکل سلیمانی آرگنائزیشن کی جانب سے جاری بیان میں کہا گیا ہے کہ منگل کو بیت المقدس میں منعقدہ کانفرنس میں کئی اہم مذہبی اور سیاسی جماعتوں کے رہنماء شرکت کرینگے جن میں پارلیمنٹ کے ڈپٹی سپیکر موشیویگلین اور کئی دیگر یہودی ربی بھی شامل ہیں۔(جاری ہے)
بیان میں کہا گیا ہے کہ کانفرنس میں پچھلے ماہ اسرائیلی پارلیمنٹ میں پیش کردہ اس بل پر غور کیا جائیگا جس میں تجویز دی گئی تھی کہ مسجد اقصیٰ کی نگرانی اسرائیل سے واپس لے کر اسرائیل کے حوالے کر دی جائے۔
دوسری جانب اردن اور اسلامی تنظیموں کی جانب سے اسرائیلی حکومت اور پارلیمنٹ کے اس اقدام کی شدید الفاظ میں مذمت کی ہے۔ اسلامی تعاون تنظیم کی جانب سے جاری بیان میں مسجد اقصیٰ پر یہودی تسلط کی سازشوں کی شدید مذمت کرتے ہوئے اسے عالم اسلام کیخلاف اعلان جنگ قرار دیا تھا۔بیان میں کہا گیا ہے کہ مسجد اقصیٰ پر یہودی ریاست کے ذریعے نگرانی ایک ایسا حساس موضوع ہے جسے کسی صورت میں زیر بحث بھی نہیں لایا جا سکتا ہے۔ صہیونیوں کی جانب سے اس اقدام کے رد عمل میں مسلم دنیا میں شدید رد عمل سامنے آسکتا ہے۔متعلقہ عنوان :
مزید بین الاقوامی خبریں
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
-
سیاسی پناہ گزینوں کو جلد روانڈا منتقل کیا جائے گا، برطانوی وزیراعظم
-
سینیٹ سے منظوری ملتے ہی یوکرین کو امداد فراہم کردیں گے، بائیڈن
-
تائیوان میں 6.3 شدت کا زلزلہ،عمارتیں لرز گئیں
-
سعودی عرب میں بارشوں کے نئے سلسلے کے آغاز کا امکان
-
مودی نے مسلم دشمنی کی حد پار کردی، بھارتی مسلمانوں کو گٴْھس بیٹھیے قرار دیدیا
-
امریکا کا اسرائیلی فوجی یونٹ پرپابندی کا فیصلہ
-
مودی دور میں کرپشن اورغیر مساوی تقسیم میں سنگین حد تک اضافہ ہوا ،دی گارڈین
-
شہد کی مکھیاں زیرآب 7 دن تک زندہ رہ سکتی ہیں، تحقیق میں حیرت انگیزانکشاف
-
یوکے اسلامک مشن ساؤتھ زون کے زیر اہتمام عید ملن پارٹی کا اہتمام کیا گیا،
-
دعوت اسلامی فرانس کے زیر اہتمام عید ملن تقریب ، سفیر پاکستان عاصم افتخار مہمان خصوصی تھے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.