گیس کمپنیوں نے گیس کی قیمتوں میں اضافے کی درخواستیں اوگرا کو بھجوا دیں

اتوار 16 مارچ 2014 19:08

اسلام آباد(اُردو پوائنٹ اخبار تازہ ترین۔16مارچ۔2014ء) گیس کمپنیوں نے منافع کے ساتھ گیس چوری کی قیمت بھی عوام کی جیب سے پوری کرنے کی ٹھان لی ہے، سوئی سدرن نے گیس قیمتوں میں 24 فیصد اورسوئی نادرن گیس نے 47 فیصد اضافے کی درخواستیں اوگرا کو بھجوا دیں ۔

(جاری ہے)

اوگرا کی طرف سے جاری تفصیلات کے مطابق سوئی سدرن نے یکم جولائی سے گیس کی قیمت میں 108روپے فی ایم ایم بی ٹی یو اضافے کا مطالبہ کیا ہے ، اور اوسط قیمت جو اس وقت 434روپے 84پیسے ہے بڑھا کر 538روپے 73پیسے فی ایم ایم بی ٹی یو کرنے کا مطالبہ کیا جائے۔

سوئی ناردرن نے گیس کی اوسط قیمت میں 179روپے 55پیسے فی ایم ایم بی ٹی یو اضافہ مانگا ہے، جسے اوسطا 375روپے 9پیسے سے بڑھا کر 554روپے64پیسے فی ایم ایم بی یو کرنے کی درخواست کی ہے،اوگرا گیس قیمتوں میں اضافے کی درخواستوں کی سماعت کے بعد اپنے فیصلے سے وزارت پٹرولیم کو آگاہ کرے گا۔