پاکستان پراونشل سروسز اکیڈمی میں افسروں کی تربیت پر نظر ثانی ہو گی، پرویز خٹک،صوبے کے وسائل کو ضائع نہیں ہونے دیا جائے گا ، محکمہ جات سے رائے لینے کے بعد حتمی فیصلہ کیا جائے گاوزیر اعلیٰ خیبرپختونخوا
جمعرات 20 مارچ 2014 22:51
پشاور(اُردو پوائنٹ اخبار تازہ ترین۔20مارچ۔2014ء) خیبرپختونخوا کے وزیر اعلیٰ پرویز خٹک نے کہا ہے کہ صوبائی حکومت نے اگرچہ خیبرپختونخوا سروسز اکیڈمی کے قیام کا فیصلہ کیا ہے تاہم پاکستان پراونشل سروسز اکیڈمی کی موجودہ وسیع و آراستہ عمارات میں افسروں کی مطلوبہ تربیتی سہولیات ممکن ہونے کی صورت میں اس پر نظر ثانی ہو گی اورقومی و عوامی مفاد ہمیشہ پیش نظررکھا جائے اورصوبے کے وسائل کو کسی صورت ضائع نہیں ہونے دیا جائے گا اس ضمن میں متعلقہ محکمہ جات سے رائے لینے کے بعد حتمی فیصلہ کیا جائے گاوزیر اعلیٰ نے ان خیالات کا اظہار پاکستان پراونشل سروسز اکیڈمی پشاورکی ڈائریکٹر جنرل نگہت مہروز سے بات چیت کرتے ہوئے کیا اس مو قع پر سینئر صوبائی وزیر سراج الحق بھی موجود تھے جنہوں نے نئی اکیڈمی کے قیام اور تعمیر کے بھاری بھر کم اخراجات کی بجائے پہلے سے موجود اکیڈمی سے استفادے کی ضرورت پر زور دیا نگہت مہروز نے وزیر اعلیٰ کو بریفینگ دیتے ہوئے بتایا کہ پاکستان پراونشل سروسز اکیڈمی پشاور ایک قومی تربیتی ادارہ ہے جو 1964 ء سے چاروں صوبوں اور گلگت بلتستان کے صوبائی افسران کی تربیت میں مصروف عمل ہے تاہم خیبرپختونخوا کے مخدوش حالات کے باعث2000 ء میں صوبہ سندھ اور پنجاب نے اپنی الگ اکیڈمیاں قائم کرلیں جبکہ گزشتہ سال خیبرپختونخوا نے بھی الگ اکیڈمی بنانے کا فیصلہ کیا ہے حالانکہ یہاں تمام تربیتی سہولتوں سے آراستہ تاریخی اکیڈمی موجود ہے اُنہوں نے کہا کہ پاکستان پراونشل سروسز اکیڈمی پشاورمیں ہر لحاظ سے خیبرپختونخوا کے افسران کی تربیت کرنے کی صلاحیت رکھتی ہے اس کے علاوہ اکیڈمی کیمپس میں دو دوسرے اعلیٰ تربیتی اداروں کی موجودگی کی وجہ سے افسران کی تربیت کا معیار بلند ہوتا جا رہا ہے اُنہوں نے تجویز پیش کی کہ حکومت خیبرپختونخوا اپنے افسران کی تربیت کیلئے قیمتی وسائل خرچ کرنے کی بجائے پہلے سے موجود پاکستان پراونشل سروسز اکیڈمی پشاور کی سہولتوں اور تجربہ سے فائدہ اُٹھائے وزیر اعلیٰ نے تجویز سے اُصولی طور پر اتفاق کرتے ہوئے کہا کہ صوبہ کے قیمتی وسائل کو ضائع ہونے سے ہر صورت میں بچایا جائے گا اُنہوں نے پرنسپل سیکرٹری کو ہدایت کی کہ اس ضمن میں تین دن کے اندر متعلقہ اداروں اور محکموں سے رائے طلب کریں اور اگلے ہفتہ اعلیٰ سطح کا ایک اجلاس طلب کریں تاکہ اس حوالے سے حتمی فیصلہ کیا جائے ۔
متعلقہ عنوان :
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.