سندھ اسمبلی میں واپڈا سے کراچی کو ملنے والی بجلی کی کٹوتی کے خلاف قرارداد منظور
پیر 7 اپریل 2014 16:46
کراچی(اُردو پوائنٹ تازہ ترین اخبار۔ 7اپریل 2014ء) سندھ اسمبلی نے پروفیسر اجمل، علی گیلانی اور شہباز تاثیر کی رہائی اور کراچی کو ملنے والی بجلی کی کٹوتی کے خلاف قراردادیں منظور کرلیں۔ اسپیکرآغا سراج درانی کی سربراہی میں سندھ اسمبلی کا اجلاس ہوا تو پیپلز پارٹی کی شرمیلا فاروقی نے طالبان قید میں موجود پروفیسراجمل ،علی حیدرگیلانی اورشہبازتاثیرکی رہائی کے لئے قرارداد پیش کی۔
انہوں نے قراردا پیش کرتے ہوئے کہا کہ حکومت ریاستی اداروں کی تحویل سے طالبان کے ساتھیوں کی رہائی کی بات کررہی ہے جبکہ طالبان اپنی قید میں موجود مغویوں کی رہائی پر کوئی لچک نہیں دکھا رہے یہاں تک کہ حکومت خود بھی ان مغویوں کی رہائی کے سلسلے میں خاموشی اختیار کئے ہوئے ہے۔(جاری ہے)
اس صورت حال میں چوہدری نثار ہی بتائیں کہ وہ حکومت کے وزیرداخلہ ہیں یا طالبان کے، قراداد میں مطالبہ کیا گیا کہ طالبان کی قید میں موجود پروفیسر اجمل خان، سابق وزیر اعظم یوسف رضا گیلانی کے بیٹے علی حیدر گیلانی اور سابق گورنر پنجاب سلمان تاثیر کے بیٹے شہباز تاثیر کو رہا کرایا جائے،حکومتی ارکان سمیت ایم کیو ایم اور دیگر اپوزیشن جماعتوں نے بھی اس قرارداد کی حمایت کی اور جس پر اسے متفقہ منظور کرلیا گیا۔
اجلاس کے دوران متحدہ قومی موومنٹ کے رکن کامران اختر کی جانب سے کراچی کو نیشنل گرڈ سے ملنے والی بجلی کی کٹوتی کے خلاف قرارداد پیش کی گئی،ان کا کہنا تھا کہ چور خود ہی چوری کا شور مچارہا ہے، ایم کیو ایم ہی کے خواجہ اظہار الحسن نے کہا کہ ہم قومی سوچ کے حامل ہیں لیکن سندھ پورے ملک کو گیس فراہم کررہا ہے اور بدلے میں اس کی بجلی بند کی جارہی ہے، جس پر اسپیکر آغا سراج درانی نے کہا کہ آپ ان کی گیس بند کردیں۔
ایوان نے یہ قرارداد بھی کثرت رائے سے منظور کرلی۔اس موقع پر حکومت اوراپوزیشن ارکان کی جانب سے برازیل میں اسٹریٹ چلڈرن فٹبال ورلڈکپ میں پاکستانی بچوں کی تیسری پوزیشن پرخراج تحسین کی قرارداد بھی منظور کرلی گئی۔ تحریک انصاف کے خرم شیر زمان کا کہنا تھا کہ لیاری کے بچوں نے فٹبال میں اچھی کارگردگی کا مظاہرہ کیا، کھلاڑیوں کی حوصلہ افزائی کے لیے استقبالیہ اورتمام ارکان کومیڈلز دیئے جائیں۔ اس کے علاوہ وبائی بیماریوں ملیریا اور پولیو کے علاوہ حیدرآباد میں پی آئی اے کا بکنگ آفس بند کرنےکے خلاف قرارداد بھی منظور کرلی گئیں۔
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
آئی ایم ایف مثبت رائے دیتا ہے توپاکستان میں سرمایہ کاروں کا اعتماد بڑھے گا،ڈونلڈ بلوم
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.