سندھ اسمبلی میں ایم کیو ایم کا سولجر بازار میں بینک ڈکیتی اور 50 سے زائد لاکرز توڑنے کے واقعہ کا معاملہ اٹھایا گیا،واقعہ ہماری حکومت کی کارکردگی پر سوالیہ نشان ہے ۔ حکمرانوں کو اپنا انداز حکمرانی بدلنا ہو گا ۔سندھ حکومت نے اس واقعہ کا نوٹس نہیں لیا، خواجہ اظہار الحسن
پیر 7 اپریل 2014 21:30
کراچی (اُردو پوائنٹ اخبار تازہ ترین۔7اپریل۔2014ء) سندھ اسمبلی میں پیر کو متحدہ قومی موومنٹ ( ایم کیو ایم ) کے ڈپٹی پارلیمانی لیڈر خواجہ اظہار الحسن نے نکتہ اعتراض پر کراچی کے علاقے سولجر بازار میں بینک ڈکیتی اور 50 سے زائد لاکرز توڑنے کے واقعہ کا معاملہ اٹھایا اور کہا کہ یہ واقعہ ہماری حکومت کی کارکردگی پر سوالیہ نشان ہے ۔ حکمرانوں کو اپنا انداز حکمرانی بدلنا ہو گا ۔
انہوں نے کہا کہ سندھ حکومت نے اس واقعہ کا نوٹس نہیں لیا اور بینک انتظامیہ نے بھی لوگوں کے نقصانات کے ازالے کے حوالے سے کوئی وضاحت نہیں کی ۔ وزیر بلدیات و اطلاعات شرجیل انعام میمن نے کہا کہ بینک ڈکیتی کے ایک واقعہ میں پولیس اہلکار نے دو ڈاکوٴوں کو مارا جبکہ دوسرے واقعے میں ایک پولیس اہلکار شہید ہوا ۔(جاری ہے)
پولیس اپنے طور پر کوششیں کر رہی ہے ۔
انہوں نے کہا کہ ٹارگیٹڈ آپریشن سے ٹارگٹ کلنگ اور دیگر جرائم میں کمی آئی ہے ، اس کا کریڈٹ وزیر اعلیٰ سندھ ، پولیس اور رینجرز کو جاتا ہے ۔ انہوں نے کہا کہ حکومت سندھ نقصانات کا ازالہ نہیں کر سکتی ہے کیونکہ بینکاری کے اپنے قوانین ہیں ۔ ایم کیو ایم کی خاتون رکن ارم عظیم فاروق کے نکتہ اعتراض پر شرجیل میمن نے کہا کہ معصوم بچی آفرین کے ساتھ زیادتی اور اسے قتل کرنے والے لوگوں کو عبرت ناک سزا دی جائے گی ۔ چاہے ان کا تعلق کسی بھی پارٹی سے ہو ۔ پیپلز پارٹی کی خاتون رکن شمیم ممتاز نے کہا کہ بلوچستان اسمبلی کے ایک رکن نے کہا ہے کہ سندھ اسمبلی کو توڑ دیا جائے کیونکہ سندھ اسمبلی نے اسلامی نظریاتی کونسل کے خلاف قرار داد منظور کی ہے ۔ شمیم ممتاز نے کہا کہ کسی کو یہ حق نہیں پہنچتا کہ وہ ہماری اسمبلی کی قرار دادوں پر اعتراض کرے ۔ ہم ان کے بیان کی مذمت کرتے ہیں ۔ مسلم لیگ (فنکشنل) کی خاتون رکن نصرت سحر عباسی نے نکتہ اعتراض پر کہا کہ اندرون سندھ ایک ہندو تاجر لچھمن داس 60 لاکھ روپے تاوان ادا کرکے آزاد ہوا ہے ۔ سندھ میں 60 سے 70 مزید مغوی ابھی تک رہا نہیں ہوئے ۔ کیا یہی امن وامان کی صورت حال ہے ۔ کیا سندھ کو ایک بہترین اور ایماندار وزیر داخلہ نہیں مل سکتا ۔ وزیر بلدیات و اطلاعات شرجیل میمن نے کہا کہ محکمہ داخلہ کا قلمدان وزیر اعلیٰ سندھ سید قائم علی شاہ کے پاس ہے ۔ وہ انتہائی تجربہ کار سیاست دان ہیں ۔ کراچی میں امن کا کریڈٹ انہیں جاتا ہے ۔ حکومت پورے صوبے میں امن قائم کرنے کے لیے کوششیں کر رہی ہے ۔متعلقہ عنوان :
مزید قومی خبریں
-
چیئرمین یوتھ پروگرام رانا مشہود احمد خاں کی کے ڈپٹی گورنر سٹیٹ بینک سلیم اللہ سےملاقات
-
ملک کو درپیش چیلنجز سے نبردآزما ہونے کے لئے مربوط کوششوں کے ساتھ موثر حکمت عملی اختیار کرنا ہوگی ،چیئرمین سینیٹ
-
خیبرپختونخوا،غیرت کے نام پرقتل کے الزام میں 3 مشتبہ افراد گرفتار
-
دفعہ 144 کی خلاف وزری کا کیس: رہنما پی ٹی آئی اعظم سواتی کی ضمانت کنفرم
-
مئی کیس،شیخ رشید کی 3 مقدمات میں بریت کی درخواست پر نوٹس جاری
-
منشیات کی لعنت کوجڑسے ختم کرنے کیلئے پنجاب پولیس کا کریک ڈائون جاری
-
گزشتہ 14 ماہ میں ملتان ریجن پولیس ملازمین کی 3758 اپیلوں پر فیصلہ سنایا گیا
-
نان سٹمپڈ اورجعلی سگریٹس کی فروخت کے خلاف ملک گیر کریک ڈاؤن ،96 ملین روپے مالیت کے سگرٹیس ضبط
-
معروف عالم دین ڈاکٹر اسرار احمد کا یوم پیدائش 26 اپریل کو منا یاجائے گا
-
دریائوں اور آبی ذخیروں میں پانی کی صورتحال
-
وزیراعلٰی بلوچستان کاصوبے میں اپنی نوعیت کی پہلی پیپلز ائیر ایمبولینس سروس شروع کرنے کا اعلان
-
وزیراعلی نے حالیہ سیلاب متاثرین کیلئے بھروقت اقدامات کرکے اپنی مخلصی اور عوام دوستی کا واضع ثبوت دے دیا،صادق سنجرانی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.