نامزدایرانی سفیرکی امریکہ داخلے پر پابندی کا قانون کانگریس میں منظور،قانونی منظوری قابل مذمت،ابوطالبی کی اقوام متحدہ میں بطورسفیر تعیناتی واپس نہیں لیں گے،ایران کا اعلان
جمعہ 11 اپریل 2014 22:32
واشنگٹن/تہران(اُردو پوائنٹ اخبار تازہ ترین۔11اپریل۔2014ء) امریکی کانگریس نے اقوام متحدہ میں ایرانی سفیر کی تعیناتی روکنے کے لیے پیش کیاجانے والا بل متفقہ طورپر منظورکرلیا ،ایوان نمائندگان نے متفقہ طورپراس مسودے کی منظوری دیدی،مسودہ صدر براک اوباما کو بھجوادیاگیا،ادھر ایران نے منظورکیے جانے والے بل کی مذمت کرتے ہوے کہاہے کہ ابوطالبی کی اقوام متحدہ میں بطورسفیر تعیناتی واپس نہیں لی جائیگی،میڈیارپورٹس کے مطابق یہ مسودہ ٹیکسس سے تعلق رکھنے والے رپبلکن پارٹی کے سینیٹر ٹیڈ کروز نے سینیٹ میں پیش کیا ، انھوں نے صدر اوباما پر زور دیا کہ وہ اسے منظور کر لیں، ہم بطورِ قوم ایران جیسے بدمعاش ملکوں کو متفقہ پیغام بھیج سکتے ہیں کہ امریکہ اس قسم کا مخالفانہ اور اشتعال انگیز رویہ برداشت نہیں کر سکتا،منظور ہونے والے مسود قانون کے تحت ان افراد کے امریکہ میں داخلے پر پابندی لگا دی گئی ہے جنھوں نے امریکہ کے خلاف جاسوسی یا دہشت گردی میں حصہ لیا ہو اور جو قومی سلامتی کے لیے خطرے کا باعث ہوں،وائٹ ہاس کے ترجمان جے کارنی نے کہاکہ ہم نے یہ بات واضح طور پر ایرانیوں کو بتا دی ہے کہ ان کا انتخاب قابلِ عمل نہیں ہے تاہم انھوں نے یہ کہنے سے احتراز کیا کہ آیا صدر اوباما مسود قانون پر دستخط کر کے اسے قانون بنا دیں گے،یادرہے کہ ایران کے اقوام متحدہ میں نئے تعینات کیے گئے سفیر حمید ابوطالبی اس طلبہ تحریک کا حصہ تھے جس نے 1979 میں تہران میں امریکی سفارت خانے پر قبضہ کر کے اس کے اندر موجود افراد کو یرغمال بنا لیا تھا،ابوطالبی اس سے قبل بیلجیئم، یورپی یونین، اٹلی اور آسٹریلیا میں ایرانی سفیر رہ چکے ہیں،ادھر ایرانی وزارت خارجہ نے ایک بیان میں کہاکہ ابوطالبی کو مسترد کرنیکا فیصلے نا قابلِ قبول اوربل ہے،بیان میں کہاگیاکہ ایوان نمائندگان میں منظورکیاجانے والا بل بھی قابل مذمت ہے۔
متعلقہ عنوان :
مزید بین الاقوامی خبریں
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
-
ارجنٹائن کا انٹرپول سے ایرانی وزیر داخلہ کو گرفتار کرنے کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.