اورکزئی،میلے سے 50افراداغواء،13کورہاکردیاگیا،سرحدی علاقے تیراہ سے اغواء کئے گئے افرادکی بازیابی کیلئے سیکورٹی فورسز کاسرچ آپریشن
ہفتہ 12 اپریل 2014 22:31
کوہاٹ(اُردو پوائنٹ اخبار تازہ ترین۔12اپریل۔2014ء)اورکزئی اورخیبر ایجنسی کے سرحدی علاقے حیدرکنڈاؤکے سرحدی علاقے سے نامعلوم مسلح حملہ آروں نے 50افرادکو میلے سے اغواء کرلیاتاہم بعدازاں 13افرادکو رہاکردیاگیا،پولیس نے مغویوں کی بازیابی کے لیے سرچ آپریشن شروع کردیا،نجی ٹی وی کے مطابق اورکزئی اورخیبرایجنسی کے سرحدی علاقے حیدرکنڈاؤمیں ایک مقامی روایتی میلہ جاری تھا کہ اس دوران اچانک درجن سے زائد مسلح حملہ آروں نے دھاوابول دیااور50افرادکو اغواء کرکے اپنے ساتھ لے گئے،ذرائع کے مطابق اغواء کیے گئے افرادمیں سے بعدازاں 13کو رہاکردیاگیاتاہم اس کی سیکورٹی ذرائع سے تصدیق نہیں ہوسکی،عینی شاہدین کے مطابق حملہ آوراسلحہ سے لیس تھے اورانہوں نے بغیر کسی شناخت کے اسلحے کے زورپر پانچ سے زائد افرادکو زبردستی اپنے ساتھ چلنے کا کہا،اغواء کیے گئے افرادکو ایک بڑے ٹرک میں سوارکرکے اغواء کارنامعلوم مقام کی طرف روانہ ہوگئے،پولیس نے مغویوں کی رہائی کے لیے سرچ آپریشن شروع کردیا،سیکورٹی ذرائع کے مطابق تاحال اغواء کاروں کے بارے میں معلوم نہیں ہوسکاکہ وہ کون تھے اورکہاں سے آئے اورنہ ہی یہ پتہ چل سکاہے کہ اغواء کے بعد وہ کہاں فرارہوئے ہیں،سیکورٹی ذرائع کے مطابق فورسزکی اضافی نفری بھی جائے وقوعہ پر پہنچ گئی اورتیزی سے قریبی علاقوں میں سرچ آپریشن جاری ہے،ملزمان کو پکڑنے کے لیے تمام چیک پوسٹوں پر مامورڈیوٹی اہلکاروں کو بھی مطلع کردیاگیاہے جبکہ سرحدوں پر بھی سیکورٹی بڑھادی گئی ہے،ذرائع کے مطابق تاحال اغواء کاروں کے مطالبات سامنے نہیں آئے اورنہ ہی کسی نے اس واقعے کی ذمہ داری قبول کی ہے۔
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.