ڈالر کی قدر میں کمی اور اربوں ڈالر کی سرمایہ کاری بہترین معاشی منصوبہ بندی کا نتیجہ ہے‘رانا تنویر حسین ،پاکستان نہ صرف ایشیا بلکہ دنیا میں تیزی سے ترقی کرنے والی معیشتوں میں شامل ہو جائے گا‘ وفاقی وزیر دفاعی پیداوار
اتوار 13 اپریل 2014 20:14
لاہور(اُردو پوائنٹ اخبار تازہ ترین۔13اپریل۔2014ء) دفاعی پیداوار کے وفاقی وزیر رانا تنویر حسین نے کہا کہ آنے والا وقت پاکستان کا ہے۔ پاکستان نہ صرف ایشیا بلکہ دنیا میں تیزی سے ترقی کرنے والی میعشتوں میں شامل ہو جائے گا اندرونی اور بیرونی سرمایہ کاری کے لیے ماحول کو ساز گار بنایا جا رہا ہے، ملک کی اقتصادی صورتِحال روز بروز بہتر ہو رہی ہے، ڈالر کی قدر میں کمی اور اربوں ڈالر کی سرمایہ کاری بہترین معاشی منصوبہ بندی کا نتیجہ ہے،پاکستان دفاعی آلات کو دنیا میں متعارف کرواکر کثیر زرِ مبادلہ کماسکتا ہے۔
وہ اتوار کے روز ملائیشیا روانگی سے قبل شیخوپورہ میں ذرائع ابلاغ کے نمائندوں سے گفتگو کر رہے تھے۔ وفاقی وزیر اپنے وفد کے ہمراہ ملائیشیا میں ہونے والی دفاعی آلات کی نمائش میں شرکت کیلئے ملائیشیاروانہ ہونگے۔(جاری ہے)
اپنے دورہ کے حوالے سے گفتگو کرتے ہوے رانا تنویر حسین نے کہا کہ پاکستان کے ملائشیا کے ساتھ گہرے مضبوط اور برادرانہ تعلقات ہیں ہم ملائیشیا کی ترقی اور تجربات سے فائدہ اُٹھائیں گے وفاقی وزیر کا کہنا تھا کہ دونوں ممالک کے ساتھ وفود کے تبادلوں سے ملائیشیا کے ساتھ تعلقات مزید مضبوط ہونگے اُنہوں نے کہا کہ پاکستان اور ملائیشیا بے شمار منصوبوں پر مشترکہ کام کر رہے ہیں اِن منصوبوں کی تکمیل سے ملک میں ترقی اور خوشحالی کی نئی راہیں کھلیں گی۔
اُنہوں نے کہا کہ برادر اسلامی ممالک کے ساتھ تعلقات مزید مضبوط کرنے کیلئے منصوبہ بندی کے تحت کام کر رہے ہیں پاکستان جدید ترین دفاعی آلات تیار کر رہا ہے جنہیں برآمد کر کے نہ صرف ہم زرِ مبادلہ کما سکتے ہیں بلکہ اپنی معیشت کو بھی مضبوط کر سکتے ہیں نمائش کے موقع پر دنیا کے مختلف ممالک کے وفود کے ساتھ دفاعی آلات کی برآمد کے سلسلہ میں بات چیت کرینگے اُنہوں نے کہا کہ پاکستان سرمایہ کاری کیلئے اُبھرتی ہوئی مارکیٹ ہے یہاں انفراسٹرکچر اور توانائی کے شعبوں میں سرمایہ کاری کے وسیع مواقع موجود ہیں۔ سرمایہ کاروں کو اِن مواقع سے فائدہ اُٹھانا چاہیے۔مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.