بھارت میں عام آدمی پارٹی بھی خاص نکلی، 86 امیدوار کروڑ پتی

پیر 14 اپریل 2014 15:01

نئی دہلی(اُردو پوائنٹ تازہ ترین اخبار۔ 14اپریل 2014ء) بھارت میں عام آدمی کی پارٹی بھی بڑی امیر ہے جن میں سے کئی ایک کے اثاثے تو کروڑوں میں ہیں۔عام آدمی کی جماعت سے ذہن میں غریب حقوق سے محروم اور بنیادی سہولتوں کے ترسے ہوئے لوگ آتے ہیں لیکن بھارت میں تو گنگا الٹی بہہ رہی ہے جہاں سابق وزیراعلیٰ اروند کیجریوال کی جماعت عام آدمی پارٹی میں بڑے بڑے امیر لوگ بھی موجود ہیں۔

(جاری ہے)

عام انتخابات میں لوک سبھا کی نشستوں کیلیے پہلے 5 مرحلوں میں عام آدمی پارٹی کے ٹکٹ سے 200 امیدوار میدان میں آئے جن میں سے 86کے اثاثے دیکھ کر تو ہاتھوں کے طوطے ہی اڑ گئے۔

ایسوسی ایشن اف ڈیموکریٹک رائٹس کی رپورٹ کے مطابق عام آدمی پارٹی کے 86امیدواروں میں سے کچھ کے اثاثے اس طرح سامنے آئے ہیں۔ بنگلور سے امیدوار انفوسیس کے سابق عہدے دار بالاکرشنا کے اثاثے 189 کروڑ‘ مہاراشٹر کی انجلی کے19کروڑ‘ ریٹائر جنرل کادیان کے13کروڑ‘ اداکارہ و سیاستدان گل پناگ کے 12کروڑ‘ عام آدمی پارٹی کے نظریاتی پالیسیوں کے سربراہ یوگندرا یادو نے 2کروڑ کے اثاثے ظاہر کیے ہیں۔

Facebook Twitter Google + Share on Whatsapp

بھارت میں عام آدمی پارٹی بھی خاص نکلی، 86 امیدوار کروڑ پتی

متعلقہ عنوان :

مزید بین الاقوامی خبریں