جمہوریت کو نقصان پہنچانے والے ہر اقدام کی مخالفت کرینگے ،پہلے ہی انداز تھا طالبان سے مذاکرات بے نتیجہ ہونگے ، فضل الرحمن ،عمران خان خیبر پختونخوا میں بھی دھاندلی کی تحقیقات کرائیں، دھرنے کے پیچھے کپتان کے کوئی اور ہی مقاصد ہیں ،میڈیا سے گفتگو
بدھ 7 مئی 2014 20:08
اسلام آباد/ملتان(اُردو پوائنٹ اخبار تازہ ترین۔7مئی۔2014ء) جمعیت علمائے اسلام (ف) کے سربراہ مولانا فضل الرحمان نے واضح کیا ہے کہ جمہوریت کو نقصان پہنچانے والے ہر اقدام کی مخالفت کرینگے ،پہلے ہی انداز تھا طالبان سے مذاکرات بے نتیجہ ہونگے ، عمران خان خیبر پختونخوا میں بھی دھاندلی کی تحقیقات کرائیں، دھرنے کے پیچھے کپتان کے کوئی اور ہی مقاصد ہیں بدھ کو ملتان میں میڈیا سے بات کرتے ہوئے جے یو آئی (ف) کے سربراہ نے کہاکہ ادارے کسی بھی ریاست میں ماں اور باپ کی طرح ہوتے ہیں انہیں بہت تحمل کا مظاہرہ کرتے ہوئے آئین اور قانون کی متعین کردہ حدود میں رہ کر کام کرنا ہوتا ہے اوراداروں کے درمیان تصادم سے ملک کو ہی نقصان پہنچتا ہے۔
انہوں نے کہا کہ ملک میں جس طرح پاک فوج کے حق میں ریلیاں نکالی جارہی ہیں اس سے یہ ادارہ بھی سیاسی لگنے لگا ہے۔(جاری ہے)
مولانا فضل الرحمان نے کہا کہ ملک میں امن و امان کی صورت حال کی وجہ سے معیشت بری طرح متاثر ہورہی ہے، موجودہ حکومت کی جانب سے اٹھائے گئے اقدامات کے باعث ملک کے اقتصادی طور پر آگے بڑھنے کے کچھ اشارے ملے ہیں تاہم اس سلسلے میں ہمیں پارلیمنٹ کی قراردادوں پرعمل کرتے ہوئے اپنی خارجہ پالیسی پر نظرثانی کرنی چاہئے۔
مولانا فضل الرحمن نے کہاکہ ہمیں اپنی خارجہ پالیسی پر نظرثانی کرنی چاہیے،ہمیں اندازہ تھا کہ طالبان سے مذاکرات بے نتیجہ ثابت ہوں گے ،ملک میں ہر ایسے اقدام سے اختلاف کریں گے جو جمہوریت کو نقصان پہنچائے۔ قبل ازیں اسلام آباد میں میڈیا سے بات چیت کرتے ہوئے مولانا فضل الرحمن نے کہاکہ عمران خان خیبر پختونخوا میں بھی دھاندلی کی تحقیقات کرائیں، دھرنے کے پیچھے کپتان کے کوئی اور ہی مقاصد ہیں۔انہوں نے کہاکہ پولیو ایسا مرض نہیں جو ایک سے دوسرے کو منتقل ہوسکے، معلوم نہیں پاکستان پر سفری پابندیاں کیوں لگائی گئیں، اس حوالے سے حکومت کو حکمت عملی واضح کرنی ہوگی۔تحریک انصاف کی احتجاجی کال سے متعلق مولانا فضل الرحمن نے کہاکہ عمران خان کی اکثر یو ٹرن لینے کی عادت ہے، ان کے دھرنے کے پیچھے کوئی اور ہی مقاصد کارفرماں ہیں مولانا فضل الرحمان نے کہا کہ عمران خان کسی اورایجنڈے پرکام کررہے ہیں، انتخابات میں دھاندلی کے حوالے سے پورے ملک کی بات کی جائے ، چند حلقوں سے متعلق دھاندلی اور احتجاج سمجھ سے بالاترہے۔ مولانا فضل الرحمان نے کہاکہ کہ حکومت لوڈ شیڈنگ ختم کرنے کا وعدہ پورانہیں کرسکی، لوڈ شیڈنگ کا مسئلہ گھمبیر صورت اختیارکرگیا ہے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.