برصغیر میں قیام امن مسئلہ کشمیر کے حل سے مشروط ہے‘ جماعت اسلامی
پیر 12 مئی 2014 16:35
سرینگر(اُردو پوائنٹ تازہ ترین اخبار۔ 12مئی 2014ء) وادی کشمیر میں نوجوانوں کی بلاجواز گرفتاریوں سے غیر یقینی صورتحال پیدا ہونے پر تشویش کا اظہار کرتے ہوئے جماعت اسلامی نے کہا ہے کہ جب تک اس مسئلے کو یہاں کے عوم کی خواہشات کے مطابق حل نہ کیا جائے تب تک نہ صرف جموں و کشمیر بلکہ پورے بر صغیر میں قیام امن کی کوششیں کامیاب نہیں ہو سکتیں ۔برصغیر میں قیام امن مسئلہ کشمیر کے حل سے مشروط ہے ‘ اقوام متحدہ کو چاہئے وہ اپنی قرارداد وں پر عملدرآمد کرے تاکہ کشمیری بھی سکھ کا سانس لے سکیں-جماعت اسلامی ضلع اسلام آباد کا سالانہ یک روزہ اجتماع احاطہ ضلعی دفتر اسلام آباد میں زیر صدارت امیر جماعت محمد عبد اللہ وانی منعقد ہوا۔
مسئلہ کشمیر پر جماعت اسلامی کے موقف کی وضاحت کرتے ہوئے قیم جماعت ڈاکٹر عبد الحمید فیاض نے کہا کہ جب تک اس مسئلے کو یہاں کے عوم کی خواہشات کے مطابق حل نہ کیا جائے تب تک نہ صرف جموں و کشمیر بلکہ پورے بر صغیر میں قیام امن کی کوششیں کامیاب نہیں ہو سکتیں ۔(جاری ہے)
انہوں نے کہا کہ اس مسئلے کو اقوام متحدہ کی قراردادوں کی روشنی میں حل کیا جانا چاہئے اور اگر کسی وجہ سے اقوام متحدہ کی قرار دادوں کو عملانا ممکن نہ ہو تو سہ فریقی مذاکرات کے ذریعے سے اس مسئلے کا حل ڈھونڈنے کی کوشش کی جانی چاہئے ۔
انہوں نے کہا کہ اس مسئلے کے حل کے لئے جماعت اسلامی نے سب سے زیادہ قربانیاں دی ہیں ۔ ڈاکٹر فیاض نے کہا کہ مسئلہ کشمیر کی وجہ سے یہاں کے عوام کی زندگیاں مصائب سے دوچار ہو چکی ہیں اور ہند و پاک ممالک کے تعلقات بھی ہمیشہ کشیدگی کے شکار رہتے ہیں ۔ لہٰذا اس مسئلے کو مزید کسی تاخیر کے بغیر ترجیحی بنیادوں پر حل کیا جانا چاہئے۔ ڈاکٹر فیاض نے انتخابات کے بعد پوری وادی میں پولیس کے ذریعے نوجوانوں کی بلا جواز گرفتاریوں کی بھر پور مذمت کر تے ہو ئے کہا کہ ان حرکات سے پوری وادی میں بے چینی اور غیر یقینیت کی صورت حال پیدا ہوگئی ہے۔ انہوں نے گزشتہ مہینے سرینگر میں سی آر پی ایف کے ہاتھوں ایک نوجوان بشیر احمد کی ہلاکت کی بھی مذمت کی ۔اجتماع میں ہزاروں افراد نے شرکت کی-متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.