مذاکراتی عمل رک گیا ہے سمجھ نہیں آتا ڈیڈلاک کا لفظ استعمال کروں یاتعطل کا، پروفیسر ابراہیم

منگل 13 مئی 2014 14:30

پشاور(اُردو پوائنٹ تازہ ترین اخبار۔ 13مئی 2014ء) طالبان مذاکراتی کمیٹی کے رکن پروفیسر ابراہیم کا کہنا ہے کہ طالبان نے مذاکرات پر آمادگی کا اظہار کردیا ہے لیکن اس سلسلے میں ضروری اقدامات نہیں اٹھائے جارہے۔ مذاکراتی عمل رک گیا ہے اس لئے سمجھ نہیں آتاکہ ڈیڈلاک کا لفظ استعمال کریں یاتعطل کا۔ طالبان مذاکراتی کمیٹی کے رکن کا کہنا تھا کہ حکومت اور طالبان کے درمیان مذاکراتی عمل آگے نہیں بڑھ رہا، حکومتی کمیٹی نے ان سے کوئی رابطہ نہیں کیا، نہ ہی ہمارے رابطے کا کوئی جواب دیا ہے۔

اس لئے سمجھ نہیں آتا کہ وہ اس پرڈیڈلاک کی اصطلاح استعمال کریں یا تعطل کی۔ شمالی وزیرستان میں کرفیو اور جنوبی وزیرستان میں آپریشن جاری ہے جس کی وجہ سے وہاں غذائی اجناس کی قلت ہے۔

(جاری ہے)

ایسی کارروائیاں مذاکرات کے مستقبل کے لیے نیک شگون نہیں۔

پروفیسر ابراہیم نے کہا کہ طالبان کی جانب سے مذاکرات پر آمادگی کا اظہار کیا گیا ہے لیکن مذاکرات کو کامیاب بنانے کے لئے کچھ اقدامات ہونا ضروری ہیں لیکن اس بارے میں ابھی کوئی فیصلہ نہیں ہوا۔ قیدیوں کی رہائی کا معاملہ حکومت کے ہاتھوں میں الجھ کر رہ گیا ہے۔ مذاکراتی عمل میں مشکلات ضرور ہیں لیکن ہمیں ان سے نکلنا ہوگا اور الزام تراشی کے بجائے مذاکرات کو آگے بڑھانا چاہئے۔

Facebook Twitter Google + Share on Whatsapp

مذاکراتی عمل رک گیا ہے سمجھ نہیں آتا ڈیڈلاک کا لفظ استعمال کروں یاتعطل کا، پروفیسر ابراہیم

متعلقہ عنوان :

مزید اہم خبریں