کرونا روئرس پھیلانے کے ذمہ داراسپتال،صفائی کو نظام موجود نہیں،سعودی وزیرصحت،کرونا وائرس سے ہلاک ہونے والوں کے لیے الگ قبرستان مختص کرنے کی خبروں کی تردید،مزید چارکیس نئے آگئے،گفتگو

ریاض(اُردو پوائنٹ اخبار تازہ ترین۔14مئی۔2014ء) سعودی عرب کے قائم مقام وزیرصحت عادل فقیہ نے اونٹوں اور اسپتالوں کو کرونا وائرس کے پھیلانے کا بنیادی سبب قرار دیتے ہوئے کہاہے کہ اسپتالوں میں وائرس کو پھیلنے سے روکنے کے لیے کوئی انسدادی تدابیر اختیار نہیں کی جارہی ہیں،سعودی وزیر صحت نے جدہ میں شاہ فہد اسپتال کے حکام کے ساتھ ایک اجلاس میں شرکت کی ،بعدازاں میڈیاسے بات چیت کرتے ہوئے انہوں نے کاکہاکہ جدہ ،ریاض اور دمام میں کورنا وائرس سے متاثرہ مریضوں کے علاج کے مرکزی مراکز قائم کیے گئے ہیں لیکن ان کے علاوہ بھی ہر علاقے میں بہت سے اسپتالوں میں کورنا وائرس کے مریضوں کے علاج کا بندوبست کیا گیا ہے،انھوں نے بتایا کہ غیر ملکی کمپنیوں سے مل کر اس مہلک وائرس سے متاثرہ مریضوں کے علاج کے لیے ویکسین کی تیاری کے ضمن میں تعاون کیا جارہا ہے لیکن اس میں ابھی وقت لگے گا،ان سے جب سوال کیا گیا کہ کورنا وائرس کے مریضوں کو کب جدہ کے نزدیک واقع شاہ عبداللہ میڈیکل کمپلیکس میں منتقل کیا جائے گا تو ان کا کہنا تھا کہ جب تک یہ اسپتال مرس کے علاج کے لیے مکمل طور پر تیار نہیں ہوجاتا،اس وقت مریضوں کو وہاں منتقل نہیں کیا جائے گا،سعودی وزارت صحت نے بتایا کہ مرس سے متاثرہ چار اور مریض رجسٹر کیے گئے ہیں اور اس کے مریضوں کی کل تعداد چارسو پچانوے ہوگئی ہے۔

(جاری ہے)

وزارت نے مزید بتایا کہ سارس کی طرح کے اس وائرس کا شکار ہونے والے چار مریض تندرست ہوگئے ہیں،درایں اثنا وزارت صحت کے ترجمان خالد مرغلانی نے ان میڈیا رپورٹس کی تردید کی جن میں کہا گیا کہ کرونا وائرس کا شکار ہوکر مرنے والے مریضوں کی تدفین کے لیے الگ قبرستان مختص کیا گیا ہے۔