جب بھی ضرورت پڑی تو بری فوج پاک فضائیہ کے شانہ بشانہ کھڑی ہوگی، آرمی چیف
بدھ 21 مئی 2014 14:17
سرگودھا(اُردو پوائنٹ تازہ ترین اخبار۔ 21مئی 2014ء) پاک فوج کے سربراہ جنرل راحیل شریف نے کہا ہے کہ پاک فضائیہ مشکل ترین وقت میں عوام کی امنگوں پر پورا اتری ہے ضرورت پڑنے پر بری فوج پاک فضائیہ کے شانہ بشانہ کھڑی ہوگی۔ سرگودھا میں پاک فضائیہ کے مصحف ایئربیس پر اردن سے حاصل کئے گئے 13 ایف 16 جنگی طیاروں کی پاک فضائیہ کے فورتھ اسکواڈرن میں شمولیت کرنے کی پروقار تقریب منعقد ہوئی، جس کے مہمان خصوصی آرمی چیف جنرل راحیل شریف تھے، اس موقع پر پاک فضائیہ کے سربراہ ائیر چیف مارشل طاہر رفیق بٹ بھی موجود تھے۔
پاک فوج کے سربراہ جنرل راحیل شریف نے ایف 16 طیارے پاک فضائیہ کے حوالے کئے۔پاک فضائیہ کے سربراہ ائیر چیف مارشل طاہر رفیق بٹ نے تقریب سے خطاب کرتے ہوئے کہا کہ پاک فضائیہ قوم کو درپیش چیلنجزسے نمٹنے کے لئے تیار ہے، مشکلات کے باوجود بیرونی جارحیت کا مقابلہ کریں گے، وہ ایف 16 طیاروں کی فراہمی پر اردن کی شاہی فضائیہ کے شکر گزار ہیں، ایف 16 طیاروں کی شمولیت سے پاک فضائیہ کو اندرونی اور بیرونی چیلنجز سے موثر طور پر نمٹنے میں مدد ملے گی۔
(جاری ہے)
پاک فوج کے سربراہ جنرل راحیل شریف کا کہنا تھا کہ ملک کی مسلح افواج ملک کی حفاظت اور ترقی کے لئے پُرعزم ہیں۔ پاک فضائیہ مشکل ترین وقت میں عوام کی امنگوں پر پورا اتری ہے، ہم یہ بات سمجھتے ہیں کہ پاک فضائیہ کا اہم کردارہے، موجودہ دور میں فضائیہ کی اہمیت اور بھی بڑھ گئی ہے۔ جہاں بھی ضرورت پڑی تو پاک فضائیہ کے شانہ بشانہ کھڑے ہوں گے، انہوں نے کہا کہ اردن ہمارا عظیم دوست ہے، طیاروں کی فراہمی پر اردن فضائیہ کے شکر گزار ہیں۔
واضح رہے کہ پاکستان نے اردن سے 13 ایف 16 طیاروں کی خریداری کا معاہدہ کیا تھا، ان طیاروں کی شمولیت کے بعد پاک فضائیہ کے بیڑے میں ایف 16 طیاروں کی تعداد 76 ہوجائے گی۔
مزید اہم خبریں
-
ایرانی صدر سید ابراہیم رئیسی کی لاہور آمد، وزیر اعلیٰ مریم نواز شریف کا ایرانی صدر کا پرتپاک استقبال
-
پاکستان چھوڑنے والے غیرقانونی افغانیوں کی تعداد 5 لاکھ 42 ہزار سے متجاوز
-
متنازع ٹوئٹس کیس، اعظم سواتی حاضری لگا کر عدالت سے چلے گئے
-
آصفہ بھٹو ایرانی خاتون اوّل کے ساتھ مصروف رہیں
-
190 ملین پاؤنڈز ریفرنس،عمران خان، بشریٰ بی بی کیخلاف مزید 6 گواہوں کے بیان قلمبند
-
میرا خیال ہے دو تین سال اور گزرے تو نیب سے ہمیں پنشن لینا پڑے گی، شاہد خاقان عباسی
-
سوئیڈش کمپنیاں پاکستان آنے سے پہلے مجھ سے سیکیورٹی کا پوچھتی ہیں، سوئیڈش سفیر
-
چینی کی قیمت کی ڈبل سینچری ہو جانے کا امکان
-
بطور ڈاکٹر بشریٰ بی بی کے ٹیسٹ کو دیکھ کر سلوپوائزنگ سے انکار نہیں کرسکتا
-
وزیراعظم شہباز شریف کا 28 اپریل کو دورہ سعودی عرب متوقع
-
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
-
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.