حکومت بجلی کے نرخوں میں اضافہ کرنے جارہی ہے ،اگرایسا کیا گیا توپارلیمنٹ کے علاوہ سڑکوں پر بھی احتجاج کریں گے ،اسد عمر ،ہم جمہوری لوگ ہیں ۔جمہوریت کو ڈی ریل نہیں کرنا چاہتے،احتجاج کا مقصد الیکشن کمیشن کو مضبوط اور بااختیار بنانا ہے ،میڈیا سیل میں پریس کانفرنس
بدھ 21 مئی 2014 19:40
کراچی (اُردو پوائنٹ اخبار تازہ ترین۔21مئی۔2014ء) پاکستان تحریک انصاف کے مرکزی رہنما اور رکن قومی اسمبلی اسد عمر نے کہا ہے کہ عمران خان نیحکومت جولائی میں بجلی کے نرخوں میں اضافہ کرنے جارہی ہے ۔اگر بجلی کی قیمتوں میں اضافہ کیا گیا تو پھر حکومت کے خلاف پارلیمنٹ کے علاوہ سڑکوں پر بھی احتجاج کریں گے ۔ان خیالات کا اظہار انہوں نے بدھ کو تحریک انصاف میڈیا سیل میں پریس کانفرنس سے خطاب کرتے ہوئے کیا ۔
اس موقع پر تحریک انصاف سندھ کے صدر نادر اکمل لغاری ،ایم این اے عارف علوی ،ایم پی اے خرم شیرزمان اور دیگربھی موجود تھے ۔انہوں نے کہا کہ مجھ پر اور شفقت محمود پر امن کی آشا کے حوالے سے جو الزامات عائد کیے جارہے ہیں وہ غلط اور بے بنیاد ہیں ۔ہم اس کے ممبر تو تھے لیکن انتظامی اور مالیاتی امور سے ہمارا کوئی تعلق نہیں تھا ۔(جاری ہے)
انہوں نے کہا کہ تحریک انصاف 2013میں ہونے والے انتخابات میں دھاندلیوں کے خلاف احتجاج کررہی ہے ۔
ہم جمہوری لوگ ہیں ۔جمہوریت کو ڈی ریل نہیں کرنا چاہتے ۔ہمارے احتجاج کا مقصد یہ ہے کہ الیکشن کمیشن کو بااختیار اور خودمختار بنایا جائے اور پارلیمنٹ کے ذریعے الیکشن کمیشن خودمختاری کے لیے اصلاحات کی جائیں تاکہ آئندہ الیکشن شفاف اور میرٹ پر منعقد ہوسکیں اورعوام اپنی مرضی کے نمائندوں کو منتخب کرسکیں ۔انہوں نے کہا کہ نواز حکومت نے الیکشن سے قبل یہ وعدے کیے تھے کہ ملک کو توانائی کے بحران سے نجات دلائی جائے گی اور معیشت کو مضبوط کیا جائے گا تاہم یہ وعدے وفا نہ ہوسکے ملک میں توانائی کا بحران جوں کا توں ہے ۔حکومت نے گڈانی اور پنجاب میں جو توانائی منصوبے لگائے ہیں ان پر سنگ بنیاد کی تختیاں تو لگادی گئی ہیں لیکن منصوبوں پر کام کی رفتار کا کچھ پتہ نہیں ۔انہوں نے سوال کیا کہ حکومت نے توانائی بحران کے حل کے لیے 480ارب روپے رکھے تھے ۔جبکہ 300ارب روپے گردشی قرضوں اور 200ارب روپے آئی پی پی پیز کو دینے کے لیے مختص کیے گئے ۔یہ گرانٹ کہاں ہیں اور کہاں خرچ کی گئی ہے اس کا کسی کو علم نہیں ۔حکومت اس کا حساب دے ۔انہوں نے کہا کہ حکومت مسائل کو مفاہمت سے حل کرنے کے بجائے تکرار کی پالیسی پر گامزن ہے ،جو ملک کے لیے نقصان دہ ہے ۔اسد عمر نے کہا کہ ریاستی اداروں پر الزام تراشی کرنے والے لوگ ملک کے دوست نہیں بلکہ دشمن ہیں ۔حالیہ دنوں میں جنگ اور جیو کی جانب سے جو منفی پروپیگنڈا ملک کے قومی سلامتی ادارے کے خلاف کیا گیا ہے وہ قابل مذمت ہے اور اس کے پیچھے کیا محرکات ہیں اس کی تحقیقات ہونی چاہئیں ۔انہوں نے کہا کہ گردشی قرضے کم ہونے کی بجائے مزید بڑھے گئے ہیں ،جس کی وجہ سے کرپشن میں اضافہ ہوا ہے ،جو قابل مذمت ہے ۔انہوں نے کہا کہ پاکستان جنوبی ایشیا کا واحد ملک ہے جہاں سب سے زیادہ مہنگی بجلی استعمال کی جاتی ہے ۔انہوں نے کہا کہ حکومت نے گذشتہ دنوں یہ اعلان کیا تھا کہ بیرون ملک موجود ملکی اثاثے واپس لائے جائیں گے لیکن یہ معاملہ بھی اشرافیہ کو نوازنے کے لیے دبادیا گیا ہے ۔انہوں نے کہا کہ نئے بجٹ میں بھی کوئی امید نہیں ہے کہ عوام کو کوئی ریلیف مل سکے گا ۔انہوں نے کہا کہ تحریک انصاف عمران خان کی قیادت میں عوام کے مسائل کے حل کے لیے اپنی جدوجہد کو جاری رکھے گی ۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.