بھارت ، ریاست بہار میں راجدھانی ایکسپریس پٹری سے اتر گئی، 4افراد ہلاک‘10 سے زائد زخمی
بدھ 25 جون 2014 13:36
نئی دہلی(اُردو پوائنٹ تازہ ترین اخبار۔ 25جون 2014ء) بھارت کی شمال مشرقی ریاست بہار میں چھپرا ضلع کے نزدیک ملک کی اہم ترین ٹرین راجدھانی ایکسپریس پٹری سے اتر گئی ہے۔ حادثے میں چار افراد ہلاک جبکہ 10 سے زیادہ مسافر زخمی ہو گئے ۔یہ ٹرین دارالحکومت دہلی سے شمال مشرقی ریاست آسام کے ڈبروگڑھ جا رہی تھی۔ راجدھانی ریل ایکسپریس ملک کی اکثر ریاستوں کو دارالحکومت دہلی سے جوڑنے کے لیے تیز ترین ریل نٹ ورک ہے۔
حادثے کے بارے میں معلومات دیتے ہوئے چھپرا ضلعے کے پولیس سپرنٹنڈینٹ سجیت کمار سنگھ نے بی بی سی کو بتایا کہ ’چار میں سے ایک مسافر کی لاش ٹرین کی بی - ٹو بوگی اور پٹریوں کے درمیان پھنسی ہوئی ہے۔امدادی ٹیم جائے حادثہ پر پہنچ چکی ہے اور امدادی کام جاری ہے، زخمیوں کو ضلعے کے صدر ہسپتال پہنچا دیا گیا ہے جہاں ان کا علاج کیا جا رہا ہے۔(جاری ہے)
زخمیوں میں سے کسی کی حالت تشویشناک نہیں بتائی جا رہی ہے۔
ریلوے بورڈ کے صدر ارونیندر کمار نے بتایا کہ مرنے والوں کو دو لاکھ کا معاوضہ دیا جائے گا۔ریلویز کے مرکزی وزیر سدانند گوڑا نے واقعے پر گہرے افسوس کا اظہاہر کیا ہے۔مقامی صحافی منیش شانڈلیہ کے مطابق حادثہ بہار میں گولڈن گنج سٹیشن کے پاس ہوا۔پولیس نے اس حادثے میں کسی قسم کی سازش یا ریاست میں متحرک ماوٴنوازو باغیوں کی کارروائی سے انکار کیا ہے۔ پولیس اہلکار نے بتایا: ’جائے حادثہ پر ایسا کوئی سراغ نہیں ملا ہے، جس سے یہ شک کیا جائے کہ اس حادثے میں نکسلیوں کا ہاتھ ہے۔انھوں نے مزید کہا: ’جائے حادثہ پر نہ تو بارود کی بو ملی ہے، نہ ہی دھماکہ خیز مادے یا کسی طرح کی توڑ پھوڑ کے ہی نشان نظر آئے ہیں۔تاہم انھوں نے یہ بھی کہا کہ حادثے کی اصل وجہ تفتیش کے بعد ہی سامنے آ سکے گی۔مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.