وزیراعظم کی عمران خان کو آئی ڈی پیزکیمپوں کےمشترکہ دورے کی دعوت

جمعرات 26 جون 2014 12:26

اسلام آباد(اُردو پوائنٹ اخبار تازہ ترین۔26جون۔2014ء) وزیراعظم نواز شریف نے عمران خان کو آئی ڈی پیز کیمپوں کے مشترکہ دورے کی دعوت دے دی ،کہا ،آئیں مل کر متاثرین کی دیکھ بھال کرتے ہیں۔ عمران خان نے سیاسی مصروفیات کی بناء پر یہ دعوت قبول کرنے سے انکار کردیا ہے ۔ تفصیلات کے مطابق وزیراعظم نواز شریف نے عمران خان کو شمالی وزیرستان میں فوجی آپریشن کے باعث بے گھرہونے والے آئی ڈی پیز کے کیمپوں کے مشترکہ دورے کی دعوت دی تھی ۔

(جاری ہے)

انہوں نے تحریک انصاف کے سربراہ کو دعوت دیتے ہوئے کہا تھا کہ آئیں مل کر متاثرین کی دیکھ بھال کرتے ہیں۔ذرائع کا کہنا ہے کہ عمران خان نے وزیراعظم کی یہ دعوت قبول کرنے سے انکار کردیا ہے۔عمران خان نے دعوت کو مسترد کرتے ہوئے موقف اختیار کیا ہے کہ اُن کا بہاولپور کا جلسہ پہلے سے طے ہے ، وہ اُس جلسے کی مصروفیات کے باعث وزیراعظم کے ساتھ آئی ڈی پیز کے کیمپوں کے دورے پر نہیں جاسکتے ۔معلوم ہوا ہے کہ وزیراعظم نواز شریف کل ،،،آئی ڈی پیز کیمپوں کا دورہ کریں گے۔