اسرائیلی فوج کا ٹویٹر اکاؤنٹ مختصر وقت کے لیے ہیک،ہیکروں نے اسرائیل کی جوہری تنصیب پر راکٹ حملے کی خبر جاری کردی
جمعہ 4 جولائی 2014 21:37
مقبوضہ بیت المقدس(اُردو پوائنٹ اخبار تازہ ترین۔4جولائی۔2014ء) انٹرنیٹ ہیکروں نے جمعہ کو اسرائیلی فوج کا ٹویٹر اکاؤنٹ مختصر وقت کے لیے ہیک کر لیا ہے اور اس پر ایک انتباہی پیغام پوسٹ کردیا ہے جس میں انھوں نے لکھا کہ ایک جوہری تنصیب کو راکٹوں سے نشانہ بنایا گیا ہے۔اسرائیلی نیوز ویب سائٹ وائی نیٹ نے اس جعلی ٹویٹ کا سکرین شاٹ پوسٹ کیا ہے۔اس کی عبارت کچھ یوں تھی:''خبردار:ملک کے جنوب میں واقع ڈیمونا جوہری تنصیب کو دو راکٹوں سے نشانہ بنایا گیا ہے جس سے ممکنہ جوہری لیک کا خطرہ ہے''۔
اسرائیلی فوج نے اے ایف پی کو بتایا ہے کہ جمعرات کی رات اس کے انگریزی ترجمان کے اکاؤنٹ @ آئی ڈی ایف سپوکس پرسن پر متعدد غلط ٹویٹس پوسٹ کی گئی ہیں۔فوج نے اکاؤنٹ کی پیروی کرنے والوں سے معذرت کی ہے اور جمعہ کی صبح ہیکروں کے غلط پیغامات حذف کردیے ہیں۔(جاری ہے)
انٹرنیٹ ہیکنگ گروپ شامی برقی فوج نے صہیونی فوج کا اکاؤنٹ ہیک کرنے کی ذمے داری قبول کر لی ہے اور فوج کے ٹویٹر صفحے دوٹویٹس پوسٹ کی ہیں۔
اس میں سے ایک میں فلسطین زندہ باد لکھا گیا ہے۔واضح رہے کہ اسرائیلی فوج اپنے ٹویٹر اکاؤنٹ پر فلسطینی مزاحمت کاروں کے غزہ سے جنوبی اسرائیل کی جانب راکٹ حملوں کے بارے میں تازہ ترین اطلاعات دیتی رہتی ہے۔گذشتہ ایک ہفتے کے دوران صہیونی فوج کے فلسطینی علاقوں پر فضائی حملوں کے بعد ایک مرتبہ پھر راکٹ باری میں بھی تیزی آئی ہے۔اسرائیلی فوج نے جمعرات کو غزہ میں بمباری کی تھی جس کے جواب میں فلسطینیوں نے اسرائیل کی جنوب چونتیس راکٹ فائر کیے تھے۔صہیونی حکومت نے حماس کو خبردار کیا تھا کہ وہ غزہ سے راکٹ حملوں کو روکے۔اس نے محصور فلسطینی علاقے کی سرحد پر مزید فوج تعینات کردی ہے۔مزید بین الاقوامی خبریں
-
ورلڈ بینک کی حالیہ رپورٹ میں افغانستان کی تباہ کن معیشت کے متعلق نئی معلومات منظرعام پر آگئیں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
-
غزہ میں انسانی حقوق کی خلاف ورزیوں کا جائزہ لے رہے ہیں، امریکا
-
میلان میں رات 12 بجے کے بعد آئس کریم پر پابندی کا فیصلہ
-
ایران سے تجارت کے خواہشمند پابندیوں سے خبردار رہیں، امریکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.