بچوں کو خودکش بنانے والے ذہن کو تبدیل کرنے کی ضرورت ہے، پرویز رشید
اتوار 13 جولائی 2014 12:37
لاہور(اُردو پوائنٹ اخبار تازہ ترین۔13جولائی۔2014ء) وفاقی وزیراطلاعات پرویز رشید کا کہنا ہے کہ ماضی میں ہم سے ایسی درسگاہیں بنائیں جہاں سے خودکش حملہ آور اور فائرنگ کرنے والے نوجوان نکلے ہمیں اس ذہن کو تبدیل کرنے کی ضرورت ہے۔ لاہورمیں تقریب سے خطاب اور میڈیا سے بات کرتے ہوئے وفاقی وزیراطلاعات کا کہنا تھا کہ مسلم لیگ (ن) کسی ایسی چیزکا حصہ نہ تو بنی ہے اور نہ ہی بنے گی جو ملک کے آئین و قانون سے متصادم ہو۔
پرویز مشرف کو محفوظ راستہ دیئے جانے کے معاملے میں خود پیپلز پارٹی کے رہنما الگ الگ بات کررہے ہیں اور اس کے علاوہ خود پرویز مشرف بھی اس مبینہ ڈیل کی تردید کرتے ہیں۔ انہوں نے کہا کہ موجودہ حکومت کو میڈیا سے بہت پیار ہے کیونکہ ہم سمجھتے ہیں کہ آزاد اور فعال میڈیا جمہوریت سے انتہائی ضروری ہے۔(جاری ہے)
پرویز رشید کا کہنا تھا کہ گزشتہ کچھ برسوں کے دوران دہشتگردوں نے وزیرستان کے لوگوں کو یرغمال بنالیا تھا، وہ اپنے گھر میں اجنبیوں کی طرح رہ رہے تھے، ان کے گھروں کا قبضہ واپس دلانے کے لئے پاک فوج اپنا کردار ادا کررہی ہے اور جلد ہی یہ لوگ اپنے گھروں کو واپس چلے جائیں گے۔
موجودہ حکومت متاثرین کی ہر ممکن کوشش کررہی ہے اور ہر خاندان کو 65 ہزار روپے ماہانہ دیئے جائیں گے جو کہ ملک بھر میں فی خاندان آمدنی سے کم از کم 3 گنا زیادہ ہے۔ ان کا کہنا تھا کہ طاہر القادری نے سانحہ لاہور سے قبل ہی مسلم لیگ (ن) کی قیادت کو نامزد کردیا تھا اور اب شاہ محمود قریشی بھی اسی طرح کی پیش گوئی کررہے ہیں، اس طرح کی باتیں وہی کرسکتے ہیں جو سانحات کو رونما کرانے والا ہو یا انھیں اس کا پتہ ہو۔اس سے قبل تقریب سے خطاب کے دوران انہوں نے کہا کہ ہم نے جس غیر ملکی قوت سے آزادی حاصل کی درحقیقیت وہ ہماری ضروریات سے آگاہ تھے، انہوں نے ایسی درس گاہیں بنائیں جن سے فارغ التحصیل بچے سب سے محبت کرتے ہیں لیکن ہم نے ایسی درسگاہیں بنائیں جہاں سے خودکش جیکٹ اور گولیاں چلانے والے نوجوان نکلتے ہیں۔ ہمیں نوجوانوں کو تباہ کرنے والے اس ذہن کو تبدیل کرنے کی ضرورت ہے۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.