عراق،اہالیان فلوجہ میتیں فریزر میں رکھنے پر مجبور ہیں ،فلوجہ عبوری مقامی کونسل کا انکشاف
اتوار 13 جولائی 2014 14:24
بغداد(اُردو پوائنٹ اخبار تازہ ترین۔13جولائی۔2014ء)عراق میں نوری المالکی کے مظالم کا شکار سنی اکثریتی شہر فلوجہ کے باشندے فوج کے ہاتھوں قتل ہونے والے اپنے عزیزو اقارب کی میتیں فریرز میں رکھنے اور گھروں سے متصل باغیچوں میں دفنانے پر مجبور ہیں۔ایک عرب ٹی وی کے مطابق یہ انکشاف فلوجہ کی عبوری مقامی کونسل کی جانب سے حال ہی میں کیا گیا۔ کونسل کی جانب سے جاری ایک بیان میں بتایا گیا ہے کہ نوری المالکی کے زیر کمان فورسز کے ہاتھوں وحشیانہ بمباری میں مارے جانے والے شہریوں کے لواحقین کو اپنے پیاروں کے کفن دفن کا موقع بھی فراہم نہیں کیا جاتا۔
فورسز تعزیتی کیمپوں پر بھی جنگی جہازوں اور فوجی ہیلی کاپٹروں سے گولہ باری کرتی ہے اور شہری خوف کے مارے گھروں کے اندر محصور ہو کر رہ گئے ہیں۔(جاری ہے)
فلوجہ کی عبوری کونسل کے رکن محمد المحمدی نے اپنے ایک بیان میں بتایا کہ شہر پر نوری المالکی کی فورسز پچھلے سات ماہ سے وحشیانہ بمباری کا سلسلہ جاری رکھے ہوئے ہیں۔ شہر میں غیر اعلانیہ کرفیو نافذ ہے۔
فوج کی بمباری میں مارے جانے والوں کے کفن دفن کا انتظام بھی مشکل ہو گیا ہے۔ شہری میتوں کو فریزر میں رکھنے اور انہیں گھروں کے چھوٹے موٹے باغیوں اور صحنوں میں دفن کرنے پر مجبور ہیں۔ محمد المحمدی نے بتایا کہ فوجی ہیلی کاپٹروں اور بمبار طیاروں کا ہدف کوئی دہشت گرد نہیں بلکہ عام شہری ہیں۔اسی ضمن میں فلوجہ کے جنرل اسپتال کے چیئرمین ڈاکٹر احمد الشامی نے اپنے ایک بیان میں بتایا ہے کہ گذشہ ماہ فوج کی بمباری سے چار بچوں سمیت اٹھارہ افراد کو اسپتالوں کے ایمرجنسی وارڈز میں داخل کیا گیا۔ انہوں نے بتایا کہ پچھلے چھ ماہ کے دوران فوج کی بمباری سے 541 شہری جاں بحق اور 1905 زخمی ہوئے۔ جاں بحق اور زخمیوں میں بڑی تعداد خواتین اور بچوں کی بھی شامل ہے۔خیال رہے کہ فلوجہ شہر میں حکومت مخالف عوامی مظاہروں کے بعد وزیر اعظم نوری المالکی نے فوجی طاقت کے ذریعے مظاہرین ختم کرنے کی کوشش کی تھی۔ مظاہرے تو ختم نہیں ہوئے تاہم المالکی فوجی نہتے شہریوں پر ایک عذاب بن کر مسلط ہیں۔ پچھلے کئی ماہ سے روزمرہ کی بنیاد پر فلوجہ میں سرکاری فوج بمباری کرتی اور نہتے شہریوں کو موت کے گھاٹ اتار رہی ہے۔ بمباری میں مساجد اور اسپتالوں کو بھی برابر نشانہ بنایا جاتا ہے۔مزید بین الاقوامی خبریں
-
امریکی جامعات میں جو ہورہا ہے وہ خوفناک ہے، نیتن یاہو
-
یہودیوں کا مذہبی تہوار، سیکڑوں یہودیوں کامسجد اقصی پر دھاوا، فلسطینیوں کو نکال دیا
-
شاہ سلمان بن عبدالعزیزطبی معائنے کیلئے اسپتال میں داخل
-
یونانی شاہی جوڑے کا شادی کے 14سال بعد علیحدگی کا اعلان
-
روس نے خلا میں ہتھیار رکھنے سے متعلق قرارداد ویٹو کردی
-
امریکا، اسقاطِ حمل پرپابندی کے خاتمے کا بل منظور
-
پینٹاگون نے ٹیکٹیکل میزائل یوکرین منتقل کردیے، روسی میڈیا
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.