لاہور ہائیکورٹ نے وزیر اعظم کی صاحبزادی مریم نواز کی بطور چیئرپرسن یوتھ لون سکیم تعیناتی کیخلاف درخواست میں نوٹس جاری کرنے کی استدعا مسترد
پیر 25 اگست 2014 20:22
لاہور(اُردو پوائنٹ اخبار تازہ ترین۔25اگست۔2014ء) لاہور ہائیکورٹ کے مسٹر جسٹس امیر بھٹی نے وزیر اعظم کی صاحبزادی مریم نواز کی بطور چیئرپرسن یوتھ لون سکیم تعیناتی کیخلاف درخواست میں نوٹس جاری کرنے کی استدعا مسترد کردی، جسٹس امیر بھٹی نے درخواست جسٹس اعجاز الاحسن کے روبرو سماعت کیلئے پیش کرنے کیلئے فائل واپس چیف جسٹس کو بھجوا دی۔
(جاری ہے)
گزشتہ روز فاضل عدالت نے تحریک انصاف کے زبیر نیازی ایڈووکیٹ کی درخواست پر سماعت شروع کی تو انکے وکیل شیراز ذکاء ایڈووکیٹ نے عدالت کو بتایا کہ وزیر اعظم کی صاحبزادی مریم نواز کو غیرشفاف طریقے سے یوتھ لون سکیم کا چیئرپرسن لگایا گیا ہے جس کا کوئی اخبار اشتہار بھی نہیں دیا گیا، انہوں نے بتایا کہ خواجہ آصف کیس اور انیتا تراب کیس میں سپریم کورٹ یہ واضح کر چکی ہے کہ ایسے تمام عہدوں پر تعیناتیاں کمیشن کے ذریعے کی جائیں گی اور شفاف طریقے سے کی جائیں گی، عدالت نے استفسار کیا کہ سپریم کورٹ کے دونوں فیصلے تو سرکاری ملازمین سے متعلق ہیں لیکن مریم نواز تو سرکاری ملازم نہیں ہیں، اس نکتے پر آپ کیا کہیں گے جس پر وکیل نے کہا کہ چیئرپرسن یوتھ لون سکیم کی تعیناتی بھی انہیں فیصلوں کے روشنی میں ہونی چاہیے ، عدالت نے قرار دیا کہ چیئرپرسن یوتھ لون سکیم کا عہدہ سیاسی عہدہ ہے، جس کیلئے کوئی قواعد و ضوابط واضح نہیں ہیں، یہ وزیر اعظم کا صوابدیدی اختیار ہے، عدالت نے وکیل سے کہا کہ یوتھ لون سکیم کے قواعد وضوابط اور متعلقہ قوانین لے کر آئیں ورنہ عدالت اس درخواست کو خارج کر دی گی جس پر وکیل نے کہا کہ اسی نوعیت کی ایک درخواست جسٹس اعجاز الاحسن کے روبرو بھی زیر سماعت ہے جس میں نوٹس جاری ہوچکے ہیں لہذا عدالت اس درخواست میں بھی نوٹس جاری کرتے ہوئے کیس جسٹس اعجاز الاحسن کو ٹرانسفر کر دے، عدالت نے نوٹس جاری کرنے کی استدعا مسترد کرتے ہوئے درخواست جسٹس اعجاز الاحسن کے روبرو سماعت کیلئے پیش کرنے کیلئے درخواست واپس چیف جسٹس کو بھجوا دی۔
متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.