ملیر میں ذہنی معذور بچوں کی تعلیم اور تربیت کے لئے قائم سینٹر تباہ حالی کا شکا ر
جمعہ 5 ستمبر 2014 22:52
کراچی (اُردو پوائنٹ اخبار تازہ ترین۔5ستمبر 2014ء) ملیر میں ذہنی معذور بچوں کی تعلیم اور تربیت کے لئے قائم سینٹر تباہ حالی کا شکا ر ، سیا سی اور سماجی تنظیموں، منتخب نمائندوں اور فلاحی اداروں کی بد انتظامی کے باعث لاوارث بن کر تباہی کے دہانے پہنچ گیا، بچوں کے والدین اورسینٹر کے عملے کی حکومت سندھ سے مدد کی اپیل : تفصیلات کے مطابق ضلع ملیر کے پسماندہ علاقے سومار کنڈانی میں مو جو د ذہنی معذور بچوں کی تعلیم اور تربیت کے لئے 1998 سے قائم ری ہیبیلیٹیشن سینٹر آف مینٹل ہیلتھ چلڈرین کے نام سے قائم ادارے کی 12 کمروں پر مشتمل عالیشان عمارت میں چلنے والا مرکز گذشتہ 16 سال سے سندھ حکومت، منتخب نمائندوں ، سیا سی و سماجی رہنماوٴں ،محکمہ سوشل ویلفیئر اور علاقے کے معززین کی بے حسی کے سبب لاوارث ہو کر تباہی کے دہانے پہنچ گیا ہے ، عمارت کی آج تک مرمت نہیں ہو سکی ہے جس کے باعث دروازے اور کھڑکیاں ٹوٹ گئے ہیں فرش ، دیواروں اور چھتوں میں دڑاڑیں پڑ گئی ہیں عمارت میں موجود زیر تعلیم زہنی معذور بچوں کی زندگیاں خطرے میں ہیں ، اس ادارے کی آج تک کسی منتخب نمائندے ، سندھ حکومت ، سیا سی و سماجی رہنماوٴں نے دورہ نہیں کیا ہے اور نہ ہی شفقت اور پیار سے محروم ذہنی معذور بچوں کے مسائل معلوم کئے ہیں ، گذشتہ روز کراچی رورل نیٹ ورک کے جنرل سیکریٹری یا مین خاصخیلی کی جانب سے صحافیوں کو 16 سال میں پہلی مرتبہ ذہنی معذور بچوں کے ادارے کا دورہ کرایا گیا ، صحافیوں نے ادارے کی عمارت کے 12 کمروں کی خستہ حالت دیکھ کر اظہار افسوس کیا ، عمارت کے صرف تین کمروں میں بچوں کو بینائی سے محروم استاد اعجاز احمد ، قویت گویا ئی سے محروم راشد نسیم اور بچیوں کو سلائی کڑھائی سکھانے والی استانی ممتاز فاطمہ تعلیم دینے میں مصروف تھے ،اس سلسلے میں سینٹرکی انچارج اسسٹنٹ ڈاریکٹر صبیہا مگسی نے صحافیوں اور سماجی رہنماوٴں کو بریفنگ دیتے ہو ئے بتایا کہ علاقے کے ذہنی معذور بچوں کو سینٹر میں داخل کرنے کے لئے محکمہ سماجی بہبود کے ملازمین قریبی علاقوں سومار کنڈانی ، میمن گوٹھ ، سکھیا گوٹھ ، اولڈتھانہ ، جام گوٹھ و دیگر علاقوں کے گھر گھر جا کر والدین کو امادہ کر تا ہے جس کے نتیجے میں ان 16 سالوں میں 129 بچوں کو داخل کیا گیا اور 103 بچوں کو پانچ کلاسیں مکمل کر نے ، درزی کا کام ، wood works کا کا م اور دیگر ٹیکنیکل کا م سکھا کر فارغ کیا گیا ہے اور اب یہ نوجوان اپنا کا م کر کے اپنے گھر چلارہے ہیں انہوں نے بتایا کہ سینٹر میں 29 ذہنی معذور بچے اور بچیاں اس وقت تعلیم حاصل کر رہے جن کو گھر سے لے آنے اور لے جانے کے لئے 1993 سے ایک وین موجود ہے جو اس وقت کٹہاڑا بن چکی ہے جس کی مرمت پر ہزاروں روپے خرچ ہو تے ہیں انہوں نے بچوں کو دی جانے والی سہولیا ت کے متعلق بتایا کہ سینٹر کو سالانہ ساڑھے تین لاکھ روپے بجٹ ملتی ہے جس سے بچوں کو دوپہر کا کھانہ ، گاڑی کی مرمت ، یو نیفارم ، کتابیں ، کاپیاں اور غیر نسابی سرگرمیاں کرائی جا تی ہیں انہوں نے بتایا کہ 2004 تک بچوں کو زکات فنڈ سے ماہانہ 200 روپے ملتے تھے جو بند کر دیئے ہیں جبکہ عام اسکولوں میں صحت مند بچوں کو اب بھی اسکالر شپ کے نام پر ساڑھے تین سئو روپے وضیفہ دیا جا رہا ہے انہوں نے کہا کہ سینٹر کی مدد کرنے کے بجائے مختلف این جی اوز کے بااثر رہنماوٴں کی نظرین عمارت ہتھیانے پر لگی ہو ئی ہیں انہوں نے سماج کے متحرق اداروں اور افراد سے اپیل کی کہ معذوروں کے مرکز کو اخلاقی اور مالی مدد کی جا ئے اور بچوں کو داخل کرایا جا ئے تاکہ ذہنی معذور بچوں کو تعلیم و تربیت دیکر سماج کا کارآمد بندہ بنا یا جا سکے ۔
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.