حکومت ستمبر میں ختم ہوجائے گی، طاہرالقادری کا پھر دعویٰ

جمعہ 12 ستمبر 2014 11:47

اسلام آباد(اُردو پوائنٹ اخبار تازہ ترین۔12ستمبر 2014ء)پاکستان عوامی تحریک کے سربراہ ڈاکٹر طاہرالقادری نے ایک بار پھر دعویٰ کیا ہے کہ حکومت ستمبر میں ختم ہوجائے گی اور کارکن عید اپنے گھروں میں منائیں گے۔ شاہراہ دستور پر دھرنے سے خطاب کرتے ہوئے طاہرالقادری کا کہنا تھا کہ انقلاب مارچ کی وجہ سے ارکان اسمبلی اور وزیراعظم کو پارلیمنٹ کی یاد آگئی۔

انھوں نے کہا کہ وزیراعظم نواز شریف نے ایوان میں چودھری اعتزاز احسن سے 3 بار معافی مانگی، ان کے غرور کو انقلاب مارچ کے کارکنوں نے خاک میں ملا دیا۔

(جاری ہے)

فتح کے قریب ہیں اپنی جدوجہد کو فرانسیسی اور روسی انقلاب کی طرز پر آگے بڑھائے گے، مذاکرات کےلئے وزیراعظم کے بلانے پر کبھی نہیں جاؤں گا۔

نوازشریف یہاں آئیں تو ملاقات ہوسکتی ہے لیکن مذاکرات کا ایجنڈا عوامی تحریک کا ہوگا، جب نواز شریف وزیراعظم بنتے ہیں تو فوج سے کشیدگی بڑھ جاتی ہے۔

انھوں نے مزید کہا کہ ستمبر میں حکومت ختم ہوجائے گی اور عیدالاضحیٰ کارکنان اپنے گھروں میں جاکر منائیں گے۔ مجھے بہت سارے خطوط آ رہے ہیں جن پر پتہ شاہراہ دستور ڈی چوک لکھا ہے لیکن عنقریب یہ پتہ تبدیل ہو کر ڈی چوک کی بجائے پارلیمنٹ ہاؤس ہوگا۔

Facebook Twitter Google + Share on Whatsapp

حکومت ستمبر میں ختم ہوجائے گی، طاہرالقادری کا پھر دعویٰ

مزید اہم خبریں