ایئر ایشیا کا ایک اور طیارہ حادثے کا شکار ہونے سے بچ گیا

منگل 6 جنوری 2015 13:48

جکارتہ(اُردو پوائنٹ تازہ ترین اخبار۔ 06 جنوری 2015ء) ایئر ایشیا کا ایک اور طیارہ عین پرواز کے وقت تکنیکی خرابی کا شکار ہوکر بند ہوگیا اور ایک بڑے حادثے سے بچ گیا۔انڈونیشی میڈیا کے مطابق ایئر ایشیا کی فلائٹ 7633 سورابایا سے بینڈنگ پرواز بھرنے کی سب تیاری مکمل کرچکی تھی کہ اچانک ایک زوردار آواز کے ساتھ طیارے کا انجن بند ہوگیا جس نے تمام مسافروں کو خوفزدہ کردیا۔

(جاری ہے)

ایئر ایشیا کے حکام نے وضاحت کرتے ہوئے کہا کہ طیارے کا انجن خراب نہیں ہوا تھا بلکہ انجن کو اسٹارٹ کرنے والا پاور یونٹ بند ہوگیا تھا جسے درست کرکے پرواز کو روانہ کردیا گیا اور وہ اپنی منزل مقصود پر بحفاظت اتر بھی گئی۔واضح رہے کہ 28 دسمبر کو ایئرایشیا کی پرواز کیو زیڈ 8501 عملے سمیت 162 افراد کو لے کر انڈونیشیا سے سنگاپورجارہی تھی کہ سمندر میں گر کر تباہ ہوگئی ۔

Facebook Twitter Google + Share on Whatsapp

ایئر ایشیا کا ایک اور طیارہ حادثے کا شکار ہونے سے بچ گیا

مزید بین الاقوامی خبریں