سندھ کی زرعی زمینوں پر مخصوص ٹولے کی نگاہ ہے جو چھوٹے کاشتکاروں کو زراعت کے پیشے سے دستبردار کروانے کی کوششوں میں مصروف ہیں، سید شاہ محمد شاہ
منگل 27 جنوری 2015 16:02
کراچی(اُردو پوائنٹ تازہ ترین اخبار۔ 27 جنوری 2015ء) سندھ کی زرعی زمینوں پر مخصوص ٹولے کی نگاہ ہے جو چھوٹے کاشتکاروں کو زراعت کے پیشے سے دستبردار کروانے کی کوششوں میں مصروف ہیں․ ایک طرف سندھ کے کاشتکاروں کو پانی کی بد ترین قلت کا سامنا ہے تو دوسری طرف جو کاشتکار زمینیں آباد کر رہے ہیں انہیں ان کی فصلوں کی مناسب اور جائز قیمت سے محروم رکھ کر سندھ کی زمینوں پر قبضے کی سازشیں کی جا رہی ہیں․ پاکستان مسلم لیگ(ن) سندھ کے سینئر نائب صدر سید شاہ محمد شاہ نے مطالبہ کیا ہے کہ سندھ کے کاشتکاروں کو گنے کی فصل کی قیمت 182 روپے فی من کے حساب سے ادا کی جائے حکومت سندھ کی آئینی و اخلاقی ذمہ داری ہے کہ وہ کاشتکاروں کے حقوق کا تحفظ کرے اور انہیں جائز محنتانہ ادا کرنے کے لئے شوگر مل مالکان پر دباؤ ڈالے․عدالت عظمی اور عدالت عالیہ کے فیصلوں کی روشنی میں کاشتکاروں کو ان کی پیداوار کا معاوضہ ادا کیا جائے․پاکستان مسلم لیگ(ن) سندھ کی قیادت اور کارکنان صوبے کے ہاریوں ، کاشتکاروں اور محنت کشوں کی خون پسینے کی کمائی کو شوگر مل مالکان کی مرضی کی بھینٹ نہیں چڑھنے دیں گے․ سندھ کے کاشتکاروں کو سیاسی انتقام کی بھینٹ چڑھانے والوں کا مقابلہ کیا جائے گا․ سندھ حکومت شوگر ملز مالکان کو حکومتی فیصلوں کا پابند بنائے دوسری صورت میں سندھ کے کاشتکاروں، ہاریوں اور محنت کشوں کی طرف سے سخت رد عمل روکنا مشکل ہو جائے گا․ پاکستان مسلم لیگ(ن) کے سینئر صوبائی نائب صدر سید شاہ محمد شاہ نے سندھ کے کاشتکاروں کے ساتھ ہونے والی زیادتیوں پر سخت تنقید کرتے ہوئے کہا ہے کہ سندھ کے کاشتکاروں کے ساتھ سوتیلی ماں جیسا سلوک کیا جا رہا ہے․ سندھ کے کاشتکاروں کو بیک وقت گنے ، چاول اور کپاس کی قیمت خرید میں ان کے جائز حق سے محروم رکھا جا رہا ہے․ سندھ حکومت نے صوبے کے کا شتکاروں کے مسائل اور مطالبات پر فوری توجہ نہ دی تو سندھ میں زراعت کے ساتھ ساتھ صنعت کا پہیہ بھی جام ہونے کا خدشہ بڑھ رہا ہے․ گنے کی فصل کی سرکاری قیمت ادا نہ کی گئی تو آنے والی فصلوں میں تاخیر اور سندھ قحط سالی کا شکار ہو سکتا ہے․ پاکستان مسلم لیگ(ن) سندھ کے سینئر نائب صدر سید شاہ محمد شاہ نے کہا کہ ان کی پارٹی صوبائی اسمبلی میں اپنے اراکین کو اس سلسلے میں بھرپور آواز اٹھانے کا کہے گی تاکہ سندھ کے کاشتکار گنے کی مناسب قیمت نہ ملنے پر خود کو تنہا نہ سمجھیں․ پاکستان مسلم لیگ(ن) کی صوبائی قیادت سندھ کے کاشتکاروں کو بھرپور تعاون کا یقین دلاتی ہے اور ہم اپنے قاائد وزیر اعظم پاکستان میاں محمد نواز شریف کے ساتھ بھی اس سلسلے میں رابطے کر رہے ہیں تاکہ سندھ کے کاشتکاروں کو اپنی فصلوں کی مناسب قیمت کی ادائیگی یقینی بنائی جا سکے․ سندھ میں زراعت کے مسائل ملک کے دیگر صوبوں کی نسبت زیادہ گھمبیر ہیں جبکہ صوبائی محکمہ آبپاشی کی نااہلیوں کی وجہ سے سندھ کی بہترین پیداوار دینے والی زمینیں بنجر بنتی جا رہی ہیں․ پاکستان مسلم لیگ(ن) سندھ کے کاشتکاروں کے حقوق کے لئے ان کا بھرپور ساتھ دے گی اور سندھ کی زراعت کو تباہ کرنے کی ہر سازش کو ناکام بنانے کے لئے صوبے کے ہاریوں ، کاشتکاروں کی تحریک کا فعال حصہ بنے گی․․
متعلقہ عنوان :
مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.