جرمنی: پاکستانی نژاد لڑکی غیرت کے نام پر قتل، والدین اور دو رشتہ دارگرفتار
جمعہ 30 جنوری 2015 13:23
بر لن(اُردو پوائنٹ تازہ ترین اخبار۔ 30 جنوری 2015ء) جرمنی میں ایک انیس سالہ لڑکی کو مبینہ طور پر غیرت کے نام پر قتل کر دیا گیا ہے۔ پولیس نے لڑکی کے والدین اور دو رشتہ داروں کو گرفتار کر لیا ہے۔ بظاہر مقتول لڑکی والدین کی مرضی کے خلاف شادی کرنا چاہتی تھی۔جرمن پولیس نے کہا ہے کہ مشتبہ طور پر یہ قتل غیرت کے نام پر کیا گیا ہے اور اس سلسلے میں لڑکی کے والدین کے ساتھ ساتھ اس کے چچا اور چچی کو بھی گرفتار کر لیا گیا ہے۔
پراسیکیوٹرز نے کہا ہے قتل کا یہ واقعہ پاکستانی نژاد خاندان میں پیش آیا ہے، جو فرینکفرٹ کے جنوب میں واقع شہر ڈارم شٹٹ میں رہائش پذیر تھا۔ اس شہر کی پولیس نے کہا ہے کہ اکاون سالہ والد، اکتالیس سالہ والدہ کے ساتھ ساتھ انتالیس سالہ چچا اور چھتیس سالہ چچی کے خلاف ثبوت اکھٹے کرنے کا سلسلہ جاری ہے۔(جاری ہے)
جرمن میڈیا نے حکام کا حوالہ دیتے ہوئے لکھا ہے کہ بظاہر انیس سالہ لڑکی کا قتل رشتے پر شروع ہونے والے جھگڑے کی بنیاد پر ہوا ہے۔
لڑکی اپنی پسند سے شادی کرنا چاہتے تھے جبکہ والدین کی خواہش تھی کہ وہ پاکستان میں شادی کرے۔جرمن پراسیکیوٹر نینا رائنیگر نے کہا ہے کہ لڑکی کی پیدائش پاکستان میں ہوئی تھی لیکن وہ جرمن شہریت رکھتی تھی۔ قانونی وجوہات کی بنیاد پر حکام کی طرف سے نہ تو مقتول لڑکی اور نہ ہی اس کے گرفتار ہونے والے چار رشتہ داروں کے نام بتائے گئے ہیں۔
والدین کی پیدائش بھی پاکستان ہی میں ہوئی تھی۔بتایا گیا ہے کہ لڑکی کو قتل کرتے ہوئے اس کی لاش ایک جنگل میں چھپا دی گئی تھی۔ لڑکی کی لاش قریبی جنگل میں واقع ایک کار اسٹینڈ کے قریب ملی تھی۔ تفتیش کاروں کے مطابق لڑکی کو گلا دبا کر ہلاک کر دیا گیا تھا پھر گھر میں موجود مقتولہ کی دادی کی پرانی ویل چیئر کے ذریعے لڑکی کو گاڑی تک لایا گیا اور بعد ازاں لاش جنگل میں چھپا دی گئی۔والدین کی گرفتاری پر ہمسایوں نے حیرانی کا اظہار کیا ہے۔ خاندان کے ہمسائے میں رہنے والے ایک مرد کا کہنا تھا، ”میں نے کبھی سوچا بھی نہیں تھا کہ یہ خاندان کچھ ایسا ویسا کر سکتا ہے۔ یہ بہت ہی شائستہ لوگ تھے۔“اسی طرح ایک دوسرے ہمسائے کا کہنا تھا، ” لڑکی کا والد بہت ہی خاموش طبع تھا اور زیادہ تر ٹائی اور سوٹ پہنے رکھتا تھا۔ والدہ بھی اسکارف لیتی تھی اور میں نے لڑکی کو بھی کبھی ننگے سر نہیں دیکھا تھا۔ لڑکی نہ تو کوئی نشہ کرتی تھی اور نہ ہی شراب پیتی تھی۔“غیرت کے نام پر قتل جرمنی میں سیاسی مسئلہ بھی بن چکا ہے۔ ناقدین کا کہنا ہے کہ اس سے ظاہر ہوتا ہے کہ تارکین وطن انضمام کے عمل میں سستی کا شکار ہیں۔ 1996ء سے 2005ء تک جرمنی میں غیرت کے نام پر 78 قتل ہوئے تھے۔متعلقہ عنوان :
مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.