عمران خان کی شادی کے بعد پی ٹی آئی کی خاتون رہنما نے نیا انکشاف کر دیا

اتوار 1 فروری 2015 16:30

لاہور(اُردو پوائنٹ اخبارتازہ ترین۔1فروری۔2015ء) پی ٹی آئی کی ایک خاتون عہدیدار نے انکشاف کیا کہ ستمبر میں عمران خان کے دھرنے کے دوران انہیں ریحام خان ملا کرتی تھیں اور وہ انہیں بتایا کرتی تھیں کہ وہ عمران خان کی منگیتر ہیں لیکن ہم سمجھے کہ یہ بھی کوئی عمران کی دیوانی ہے۔

(جاری ہے)

پی ٹی آئی کی عہدیدار نے اپنا نام نہ ظاہر کرنے کی شرط پرنئی بات کو بتایا کہ ریحام خان نے جب اسے بتایا کہ وہ عمران کی زندگی میں آنے کے بعد پارٹی کو منظم کریں گی تو انہوں نے اسے پاگل سمجھا،وہ سمجھ رہی تھیں کہ شاید یہ بھی کوئی عمران خان سے شادی کی شوقین سرپھری خاتون ہے جو خود کو عمران خان کی منگیتر کہہ رہی ہے۔

ایک سوال پر عہدیدار خاتون نے کہا کہ اسےعلم نہیں تھا کہ ریحام خان کوئی اینکر ہے جس کی وجہ اس کا کم ٹی وی دیکھنا ہے۔ بعدازاں شادی کی تصاویر منظر عام پر آئیں تو معلوم ہوا کہ یہ تو وہی خاتون ہے جو عمران خان کی منگیتر ہونے کا دعویٰ کررہی تھی۔