مسئلہ کشمیر کوئی علاقائی یا سرحدی تنازعہ نہیں ،ڈیڑھ کروڑ سے زائد کشمیریوں کے حق خود ارادیت کا مسئلہ ہے، چوھری یاسین
پیر 2 فروری 2015 16:54
میرپور (اُردو پوائنٹ تازہ ترین اخبار۔ 02فروی 2015ء) آزادکشمیر کے سینئر وزیر چوہدری یاسین نے کہا ہے کہ مسئلہ کشمیر کوئی علاقائی یا سرحدی تنازعہ نہیں ہے بلکہ ڈیڑھ کروڑ سے زائد کشمیریوں کے حق خود ارادیت کا مسئلہ ہے جسے بہر حال اقوام متحدہ کی منظورشدہ قرار دادوں اور کشمیری عوام کی خواہشات کے مطابق حل کرنا ہو گا ۔کشمیریوں کو حق خود اختیاری دیئے بغیر جنوبی ایشیاء میں پائیدار اور مستقبل امن کا خواب شر مندہ تعبیر نہیں ہو سکتا ہے اور پاکستا ن و بھارت کی نیو کلر ائزیشن کی وجہ سے ایٹمی جنگ کے خطرات منڈلاتے رہیں گے ۔
ان خیالات کا اظہار انہوں نے کے ڈی چوہدری صدر میاں محمد بخش سوسائٹی کی قیادت میں ملنے والے ایک وفد سے گفتگو کرتے ہوئے کیا ۔انہوں نے کہا کہ کشمیر کی تاریخ ہزاروں سال پرانی ہے مجاہدین کشمیر نے جو تحریک 1931ء میں حضرت شاہ ہمدان کی خانقاہ معلیٰ سے چلائی تھی وہ اب بھی جاری ہے ۔(جاری ہے)
چوہدری محمد یاسین نے کہا کہ 5فروری ” یوم یکجہتی کشمیر “کشمیریوں کی سرفروشانہ جدوجہد کا ایک اہم باب ہے اور اس دن کی تاریخی اہمیت کا پس منظر یہ ہے کہ اندرا گاندھی اور شیخ عبداللہ کے گٹھ جوڑ کے بعد ایک طے شدہ منصوبہ کے تحت مقبوضہ کشمیر کی کٹھ پتلی اسمبلی میں ” کشمیر ایکارڈ “پیش کیا گیا جس پر کشمیریوں کی طرف سے مرزا افضل بیگ اور بھارت کی طرف سے جی پارتھا سارتھی نے 13نومبر 1974ء کو دستخط کیے تھے اور بھارتی قیادت نے اس معاہدہ کو بین الاقوامی پریس میں اچھال کر یہ تاثر دینے کی ناکام و مذموم کوشش کی تھی کہ مسئلہ کشمیر اب خدانخواستہ ختم ہو گیا ہے اور کشمیری و بھارتی عوام باہم شیر و شکر ہو گئے ہیں اس وقت پاکستانی لیڈر ذوالفقار علی بھٹو شہید بڑی باریک بین نگاہوں سے حالات کا بغور مشاہدہ کر رہے تھے اور انہوں نے اپنی اعلیٰ سیاسی بصیرت و دور اندیشی کا مظاہرہ کرتے ہوئے کنٹرول لائین کے دونوں اطراف کے کشمیریوں سے اپیل کی کہ وہ 28فروری 1975ء کو ہڑتال کریں شہیدبھٹو کی اپیل پر کشمیریوں نے تاریخ ساز ہڑتال کر کے دنیا کویہ واضع پیغام دیا کہ کشمیری حق آزادی سے کسی صورت دستبردار نہیں ہونگے ۔
اس تاریخی ہڑتال سے اندرا عبداللہ گٹھ جوڑ کی چال بُری طرح ناکام ہو گئی تھی اور 5فروری کی ہڑتال اسی کا ایک تحریکی تسلسل ہے ۔چوہدری محمد یاسین نے کہا کہ ” یوم یکجہتی کشمیر “ کے موقع پر پاکستان و کشمیر کو ملانے والے پلوں پر انسانی ہاتھوں کی زنجیر بنانے اور جلسے جلوسوں سیمینار کا بنیادی مقصد یہ ہے کہ ہم کنٹرل لائین کے اس پارتحریک آزادی میں بھارتی فرعونیت اور درندہ صفت افواج سے بر سر پیکار مقبوضہ کشمیر کے عوام کے ساتھ ہیں اس ضمن میں پاکستان کی حکومتوں و عوام کی طرف سے یکجہتی کا اظہار بے مثال ہوتا ہے ۔جماعت اسلامی کے مرحوم امیر قاضی حسین احمد نے 5فروری کی قومی یکجہتی کے پروگرام کے لیے جو قائدانہ کردار اد اکیا اسے کشمیری عوام ہمیشہ یاد رکھیں گے ۔دختر مشرق محترمہ بے نظیر بھٹو شہید اور موجودہ وزیراعظم پاکستان میاں نواز شریف نے اپنے اپنے ادوار میں یکجہتی کشمیر کیلئے وفاقی سطح پر جو خدمات سر انجام دیں ہم انہیں قدر کی نگاہ سے دیکھتے ہیں ۔سینئر وزیر نے پاکستانی و کشمیری عوام سے اپیل کی ہے کہ وہ 5فروری کے پروگراموں میں قومی جذبے سے شرکت کریں اور دنیا پر واضع کر دیں کہ کشمیری حق خود ارادیت کے حصول تک چین سے نہیں بیٹھیں گے ۔5فروری کو برطانیہ و دیگر یورپی ممالک میں بھی یوم یکجہتی کشمیر کے حوالے سے تقریبات منعقد ہونگی ۔میں نے از خود اس سلسلہ میں بیرون ملک مقیم پارٹی لیڈروں و تارکین وطن کے راہنماؤں سے برابر رابطہ رکھا ہوا ہے یہ پروگرام بلاتحصیص و بلا امتیاز سیاسی و ذاتی وابستگیوں کے قومی اتحاد و یکجہتی سے انعقاد پذیر ہو نگے ۔چوہدری محمد یاسین نے کہا کہ سلامتی کونسل کا مستقبل ممبر بننے کے لیے بھارتی وزیراعظم نریندر مودی کا خواب کبھی شرمندہ تعبیر نہیں ہو سکتا ہے کیونکہ بھارت مسلسل مسئلہ کشمیر کے بارے میں اقوام متحدہ کی منظور شدہ قراردادوں پر عمل درآمد کی راہ میں روڑے اٹکا رہا ہے اور پڑوسی ممالک سے بھی چھیڑ چھاڑ جاری رکھی ہوئی ہے لہذا یسا ملک کبھی بھی عالمی ادارہ کا مستقل ممبر بننے کا اہل نہیں ہو سکتا ۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.