پارٹی کی تنظیم میں یونین کونسل اور ٹاؤن کی سطح پر تبدیلیاں لانے کا فیصلہ کر لیا گیا ہے‘ عبدالعلیم خان،
پارٹی کارکن مقامی سطح پر باہمی اتحاد کا مظاہرہ کریں ،جلد ہر ٹاؤن میں کنونشن منعقد ہونگے ‘ صدر پی ٹی آئی لاہور
بدھ 11 فروری 2015 18:47
لاہور ( اُردو پوائنٹ اخبار تازہ ترین۔11فروری 2015ء) تحریک انصاف ضلع لاہور کے صدر عبدالعلیم خان نے کہا ہے کہ پارٹی کی تنظیم میں یونین کونسل اور ٹاؤن کی سطح پر تبدیلیاں لانے کا فیصلہ کر لیا گیا ہے ،پارٹی قیادت سے منظوری کے بعد غیر متحرک عہدیداروں کی جگہ فعال کارکنوں کو آگے لایا جائیگا ۔انہوں نے پارٹی کارکنوں سے کہا کہ وہ مقامی سطح پر باہمی اختلافات دور کر کے صرف اور صرف پارٹی کی مضبوطی کیلئے اتحاد کے ساتھ کام کریں ،پارٹی کے تنظیمی امور کو حتمی شکل دینے کیلئے جلد پی ٹی آئی کی ضلعی قیا دت ہر ٹاؤن میں کنونشن منعقد کریگی ۔
عبدالعلیم خان نے پی ٹی آئی علامہ اقبال ٹاؤن کے عہدیداروں سے خطاب کرتے ہوئے کہا کہ پارٹی آئین میں مجوزہ ترامیم کے حوالے سے پارٹی عہدیداران کے تحفضات تحریری طور پر مرکزی قیادت تک پہنچا دئیے گئے ہیں جنہیں انشاء اللہ ضرور پیش نظر رکھا جائیگا ۔(جاری ہے)
انہوں نے کارکنوں سے کہا کہ وہ اپنے اپنے علاقوں کے عوا م کو درپیش مسائل کی نشاندہی جاری رکھیں ۔
عبدالعلیم خان نے کہا کہ تحریک انصاف کے 14اگست کو شروع ہونے والے احتجاج سے نہ صرف عوامی بیداری کی نئی لہر پیدا ہوئی ہے بلکہ پارٹی گراف بھی اوپر گیا ۔اب ہم سب کو نئے عزم اور ولولے کے ساتھ آگے بڑھنا ہے اور عمران خان کے ویژن کے مطابق نئے پاکستان کی تشکیل میں انفرادی اور اجتماعی سطح پر وہ کردار ادا کرنا ہے جس کا حالات تقاضا کر رہے ہیں ۔اس موقع پر علامہ اقبال ٹاؤن کے عہدیداران نے پارٹی امور پر تفصیلی گفتگو کی اور آئیندہ کے لائحہ عمل کے حوالے سے تبادلہ خیال کیا ،پی ٹی آئی ضلع لاہور کے سنئیر نائب صدر شعیب صدیقی ،سیکرٹری اطلاعات فرخ جاوید مون اور شیخ عامر نے خصوصی طور پر اجلاس میں شرکت کی ۔متعلقہ عنوان :
مزید اہم خبریں
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.